Jeremiya 44:26 - Bhibhiliya Nya Guage

²⁶ Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Jeremiya 44:26 Iomraidhean Croise

Genesi 22:16

khiyo: “Nyi ngu sambanya khu lina langu furi gu ganela Pfhumu gukheni, olu u giridego kharati, u si feleli gu nyi ninga mwanago, gyanana gyago nya gimwegyo basi,

Dzindzimo 50:16

Aholu, ga muthu nya guvivbe Nungungulu wari, khuye: Gu na gu phasa ginani gu ganelela sileletelo sangu ni gu huwelela gidzumeledzwano gyangu,

Dzindzimo 89:34

Kha nyi na funya pwanano wangu, mwendro gu vbindrugedza mahungu nyi ganedego khu kanani gwangu.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 24:8

Gufanana ni dzindzawa nyamba yela gu hodzwa, khu kotani nya guvave nya idzo, a ngu ganela Pfhumu Nungungulu; kharato nugo, nyi na ningela Zedhekiya, mufumeli wa Judha, ni dzindruna dzaye ni vathu va Jerusalema, avo va nga tshalago tigoni momu, ni vale va nga ya vbanyago tigoni ga Egipito.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 44:11

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na thendregedza khovbe yangu nyi mi pfhurarela, nyi mbembisa va na Judha vatshavbo.

Jeremiya 44:14

Avbo nya gu, mwalo na moyo nya mitshaledwa ya na Judha a na vbulugago nya avo va na guya vbanyago tigoni ga Egipito kha nga valuveli; mwalo ni moyo a na gu wuyago tigoni gwawe ga Judha, ambari a nga bani ari gu suva gwawe; va na wuya basi vadugwana va na gu vbulugago.”

Jeremiya 44:24

Jeremiya a di embela vathu ni vanyamayi vatshavbo, khuye: Upwani iso a ganelago Pfhumu Nungungulu, enu Vajudha mwatshavbo mu manegago tigoni ga Egipito.

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 49:13

Kholu, eni mune kamwe nyi sambanyide khu lina langu, a ngu ganela Pfhumu Nungungulu, Lidhoropa la Bhozira, li na vbindrugedza li khala gilo nya guthise, li na khala marumbi ni gihegiso, vbakari nya vathu vatshavbo, ni madhoropa yaye yatshavbo ma na khala nari marumbi kala gupindruga.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 51:14

Pfhumu Nungungulu nya Tshivba Yatshavbo, sambanyide khu wurumba waye kamwe, khuye: “Nyi na rumela vathu nya gutale, nya gufanane ni mwamba nya dzimbera, va nata womba mikulungwane nya gu ghiye khu gu gupala.”

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 20:39

Gasi khu enu va na Israyeli, Mune Pfhumu Nungungulu, a ngu ganela kharati, khuye: Moyo ni moyo nya enu, a na simame guya khozela sifananiso saye, kholu kha mu dzini gu nyi yingisa; aholu mu nga nyenyezisi lina langu nya guage khu miningelo ni sifananiso sanu.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Amosi 6:10

A gu manega muthu, nya gute dzega girumbi gya nongo waye, gasi guya gi vbisa, gikhati a tago a ta bela nyumbani, a na embela uye a guromo dzikhonani nya nyumba, khuye: “Ina a nga guromo mumbe muthu omu, gani?” Uye a na khuye ahihi! Aholu uye a na khuye: Degula! Kholu hi mwalo fanelo nya gu dundruge khu lina la Pfhumu Nungungulu.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Amosi 8:7

Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Mitengo 14:28

U na va embela, khuwe: Kha nga olu nyi vbanyago, a ngu ganela Pfhumu Nungungulu, nyi na mu girela kha nga edzi mu ganedego dzindzeveni gwangu.

Vahebheru 3:18

Gasi Nungungulu a di thula va mani gikhati a nga sambanyago, gukhuye: “Ava vathu gima kha va na nga bela tigoni nya gitumbiso, nyi nga va dongisela guya hefemula umo?” A di thula vale va nga mu wugelago.

Vahebheru 6:13

Nungungulu a di gira gitumbiso ga Abrahama a sambanya gu gi tadzisa. Kha nga gu nga bani guri mwalo khongolo nya guvbindre uye, a di sambanya khu lina laye, khuye:

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.