Jeremiya 44:23 - Bhibhiliya Nya Guage

²³ Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Jeremiya 44:23 Iomraidhean Croise

1 Dzipfhumu 9:9

Va na va hakha, khavo: Kholu va nga digago Pfhumu Nungungulu wawe, uye a nga dusago vababe vawe khu tigoni ga Egipito, va gu landrela vambe vanungungulu, va va khidzimela, ni gu va khozela. Khu guralo, Pfhumu Nungungulu a va resedego gutshaniseka gwatshavbo gogu.”

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 13:18

Khandriso esi si nga girwago khu vababe vanu, gukala Nungungulu wathu a hi rumela libango nya likhongolo li nga ta mbembisa gumogo ni lidhoropa leli, gani? Aholu enu mu nga gu engedzela likhulo la Nungungulu ga va na Israyeli, khu gu nyenyezisani litshigu nya Sabhadho.”

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Dzindzimo 119:150

Nyi vbohedwe khu vasanisi vangu va gu ni makungo nya guvivbe, avo va gu hambana ni nayo wago.

Dzindzimo 119:155

Guvbanyisa gomo hwindzo ga va nya guvivba, kholu kha va khathaleli milayo yago.

Dzindzimo 78:10

Kha va landrisa gidzumeledzwano gya Nungungulu, va di bomba gu landrisa milayo yaye.

Dzindzimo 78:56

Ambari ulo, va na Israyeli va di tiya gu wugela Pfhumu Nungungulu, va mu linga, va si yingeli milayo yaye.

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 40:3

Uye Pfhumu Nungungulu a di gu resa, a tadzisa magana a ganedego. Si mu dugelede satshavbo sesi, kholu enu mu nga ghohela Pfhumu Nungungulu, mu si yingisi magana yaye.

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 44:18

Aholu, gukhugela avbo hi nga emago gu vbisela libani Pfhumugadzi ya Ndzadzini ni gu mu ninga miningelo nya wadwa, kha hi ngu gu mana gambe gilo, ha gu sasedwa basi khu matshari ni gufa khu ndzala.”

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Jeremiya 44:3

khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

1 Vakorinto 10:20

Ahihi, khandriso! Va nya mayigo, dzimhamba va ningelago dzinyumbani nya vanungungulu nya malipha, va gu phasela maphuvbo nya guvivbe, kha va phaseli Nungungulu. Eni kha nyi vbweti gukheni mu hengela ni maphuvbo nya guvivbe.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”