Jeremiya 44:20 - Bhibhiliya Nya Guage

²⁰ Khavbo avbo, Jeremiya a di phindrula vathu, vama ni vanyamayi ni vathu vatshavbo va nga ganelago khu ndzila yoyo, khuye:

Jeremiya 44:20 Iomraidhean Croise

2 Dzikoronika 28:23

A di ningela miphaselo ga vanungungulu va Dhamasiko avo va nga mu sasela, a ganela, khuye: “Kha nga olu vanungungulu va mufumeli wa Siriya, va nga mu vhikelago; nyi na va girela miphaso gasi va kodza gu nyi phasedzela neni.” Aholu avo khavo givangelo nya gumbembiswe ga va na Israyeli vatshavbo.

Jeremiya 44:19

Vanyamayi va di engedza gu ganela, khavo: “Wa gu alakanya gukhuwe avbo hi nga bani hi gu vbisela libani ni gu gira miphaselo nya wadwa ga Pfhumugadzi ya Ndzadzini, ni gu gira sibaba nya gu mu khozele, gu diri silo nya gu si khugele nyamba tidwa khu vama vathu, gani?”

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Ezekiyeli 2:3

Uye a di nyi embela, khuye: “Mwamana wa muthu, nyi ngu gu rumela ga va na Israyeli, vathu nya guyeyise, va nyi wugedego; avo gumogo ni vababe vawe, kala na muhuno va nga gu nyi wugela.

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.