Jeremiya 44:2 - Bhibhiliya Nya Guage

² “Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 44:2 Iomraidhean Croise

2 Dzipfhumu 21:13

Nyi na pima Jerusalema khu ngodzi nya lipimo nyi nga pimago khiyo Samariya, ni pimo nya nyumba ya Akazi; nyi na guha Jerusalema, kha nga idzo muthu a guhago mbiya a yi fenengedza.

Ekisodha 19:4

Enu mu si wone esi nyi giridego ga Vagipiti, ni edzi nyi mi rwadego khidzo khu dzimbapi nya lighama nyi gu mi wuyisa avbo gwangu.

Isaya 24:12

Lidhoropa li khade marumbi, ni malimba yaye ma pandreledwe.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 44:23

Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Jeremiya 8:3

Ni vatshavbo avo va nga tshalago ga lifumbu lolo nya guvivbedwe khu monyo, va na vbweta gufa guvbindra guvbanya, malangani yatshavbo nyi na gu va lundrago vaya umo, a ngu ganela Pfhumu Nungungulu nya Tshivba Yatshavbo.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Gililo 1:16

Khiso si nyi lidzisago; maho yangu ma vbaladza marongo, aholu mwalo a nyi tangadzisago, ni gu tiyisa hefemulo wangu; sanana sangu si ngu saniseka, kholu nala a ngu ghiya. Pheni

Gililo 5:18

Kholu gigomo gya Siyoni gi sasedwe gi khala marumbi, gwa gu gimbilagimbila umo migehe.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:43

Va na diga Litigo li khala giwula, li mana guhefemula gwaye nya dzisabhadho; avo va mana hakhelo nya milandru yawe, kholu va hambanide ni sileletelo sangu, mihefemulo yawe yi nyenyide milayo yangu.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Dhewuteronome 29:2

Silingo nya sikhongolo, siyeyedzo ni sisamadziso iso mu si wonidego khu maho yanu.

Josuwa 23:3

enu mu wonide satshavbo esi Pfhumu Nungungulu wanu, a giridego ga mayigo yaya yatshavbo khu mahungu yanu, kholu Pfhumu Nungungulu wanu, khuye a mi dwanedego.