Jeremiya 44:17 - Bhibhiliya Nya Guage

¹⁷ Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 44:17 Iomraidhean Croise

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 22:17

Kholu va nyi pfhurarede, va vbisela libani vambe vanungungulu, va nyi gorosa khu mithumo yatshavbo nya mandza yawe, khu guralo, likhulo langu, li di vila khu wulanga wowu, gima kha li na tshimega.

2 Dzikoronika 28:23

A di ningela miphaselo ga vanungungulu va Dhamasiko avo va nga mu sasela, a ganela, khuye: “Kha nga olu vanungungulu va mufumeli wa Siriya, va nga mu vhikelago; nyi na va girela miphaso gasi va kodza gu nyi phasedzela neni.” Aholu avo khavo givangelo nya gumbembiswe ga va na Israyeli vatshavbo.

Nehemiya 9:34

Vafumeli vathu, vathangeli vathu, vaphasi vathu nya mhamba ni vavelegi vathu, kha va landrisa nayo wago ni sileletelo U va ningidego, esi Uwe u nga va khongotela gu si gira.

Dzindzimo 106:6

Ethu hi ghohide gu fanana ni vababe vathu; hi giride esi nya gunyenyeze ni guvivba.

Dzindzimo 12:4

avo va gukhavo: “Lidimi khilo tshivba yathu, magana yathu ma ngu hi vhikela, khu mani a hi fumago?”

Ekisodha 16:3

Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Isaya 48:5

Khu guralo, nyi gu tiviside khu gale silo sesi, nyi gu pwadzede na si si gu dugeleli, gasi u si ganeli, khuwe: Gifananiso nya nungungulu wangu, khigyo gi giridego silo sesi; mwendro gukhuwe: Gifananiso nya simbo nyi nga vatago, mwendro nyi nga wumbago, khigyo gi giridego si dugelela silo sesi.

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:12

Khu guralo, madhoropa ya Judha ni vavbanyi va Jerusalema, va na lila ga vanungungulu va nga va vbiselago libani; aholu, kha va na vbanyiswa khavo khu litshigu nya libango.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Jeremiya 44:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu gumogo ni vagadzi vanu mu sambanyide khu magana yanu, mu bwelo khavbo mu gira khu mandza yanu, khenu: Khu lisine hi na tadzisa gisambanyo gyathu hi giridego, nya guvbisele libani Pfhumugadzi ya Ndzadzini ni gu ninga miningelo nya miphaso nya wadwa; ina kamwe, tadzisani ni gu tiyisa gifungo gyanu!

Jeremiya 44:9

Gasi mu di divaledwa khu sighoho si giridwego khu vababe vanu, ni guvivba gu giridwego khu vafumeli va Judha, ni guvivba ga vanyamayi nugo ga vagadzi vanu va gu giridego tigoni gwa Judha ni dzindzilani dza Jerusalema, gani?

Jeremiya 7:17

Ina khu si woni iso va gimbilago va gira madhoropani ya na Judha ni dzindzilani ga Jerusalema, gani?

Jeremiya 7:18

Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Ezekiyeli 23:41

Uwe u khade vbagikhalotunu nya masofa, mbeli gwagyo gu nga bani gu dongisedwe meza, u vegide libani ni mafura si nga bani si nyi lumba.

Ezekiyeli 8:16

Khu guralo, uye a di nyi dzega a gu nyi bedza ndrani nya likupakupa la Nyumbani ga Pfhumu Nungungulu; vbale, vbamwanyatunu nya Nyumba ya Pfhumu Nungungulu, vbakari ni vbakari nya mwanya ni giluvelo, gu diromo gipimo nya magumavili na livbandre (25) vama, na va pfhurarede Nyumba ya Pfhumu Nungungulu, dzikhovbe dzawe va khedza Khugadambo; avo va di gu khozela lidambo.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Mitengo 30:12

Aholu, mwama waye a gu dzegela gu mu himbedzela khu litshigu lolo a nga mupwago na gu sambanya, yatshavbo magana nya gusambanye gwaye nayo nya gu dzi hunge gwaye, ma dugidego khu kanani gwaye, kha ma na tiya gilo, kholu mwama waye a mu himbedzede; khu guralo, Pfhumu Nungungulu a na mu tsetselela.

Mitengo 30:2

Muthu nya gukari a gu gira gifungo ga Pfhumu Nungungulu, mwendro gu gira gisambanyo, ni gu dzi hunga khu monyo waye, a nga tshuki a ndreyisa gifungo gyaye, fanede gu gira satshavbo a ganedego khu monyo waye.

Marko 6:26

Mufumeli a di garadzega ngudzu; aholu kha dzi kodza gu mu bombela khu kotani nya gisambanyo a nga girago na gu pwidwa khu vathu a nga va rambago.

Dhewuteronome 23:23

gambe dzi garadze khu gu gira igyo u nga sambanya khu likana lago, u gira iso u sambanyidego khu gudzina gwago ga Pfhumu Nungungulu wago.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.

Valamuli 11:36

Nyamahegyane a di mu embela, khuye: “Baba wangu, u tude likana lago ga Pfhumu Nungungulu; gira ga eni kha nga iso si dugidego khu kanani gwago, kholu Pfhumu Nungungulu a gu phodzede ga valala vago va na Amoni”