Jeremiya 44:15 - Bhibhiliya Nya Guage

¹⁵ Khavbo avbo, vama vatshavbo va nga bani va dziti nya gukhavo vagadzi vawe va ngu vbisela libani vambe vanungungulu, ni vanyamayi vatshavbo va nga bani varomo vbale, ni gidzemo gyatshavbo nya vathu va nga bani va vbanya tigoni ga Egipito, gipandre gya Patrosi, va di phindrula Jeremiya, khavo:

Jeremiya 44:15 Iomraidhean Croise

Genesi 19:4

Na va si gu hongoli va ya lala, nyumba yi di randredwa khu vama va dhoropani, vathu va Sodhoma, gukhugela madzaha kala sikhosane, vathu vatshavbo nyamba tshala ni moyo.

Nehemiya 13:26

Khandriso esi si nga ghohisa Solomoni mufumeli wa na Israyeli, gani? Vbakari nya mayigo yatshavbo yi mwalo pfhumu yi nga bani yi fanana naye. A di godwa ngudzu khu Nungungulu waye, a mu wumbela gu khala mufumeli wa Israyeli watshavbo. Khu guralo uye a di ghohiswa khu vanyamayi nya mambe mafumbo.

Mavingu 11:21

Muthu nya guvivbedwe khu monyo, gima kha na vbuluga gu mana tsayiso, aholu livelego la va nya gululama, li na vbuluga.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 48:5

Khu guralo, nyi gu tiviside khu gale silo sesi, nyi gu pwadzede na si si gu dugeleli, gasi u si ganeli, khuwe: Gifananiso nya nungungulu wangu, khigyo gi giridego silo sesi; mwendro gukhuwe: Gifananiso nya simbo nyi nga vatago, mwendro nyi nga wumbago, khigyo gi giridego si dugelela silo sesi.

Jeremiya 44:1

Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 44:19

Vanyamayi va di engedza gu ganela, khavo: “Wa gu alakanya gukhuwe avbo hi nga bani hi gu vbisela libani ni gu gira miphaselo nya wadwa ga Pfhumugadzi ya Ndzadzini, ni gu gira sibaba nya gu mu khozele, gu diri silo nya gu si khugele nyamba tidwa khu vama vathu, gani?”

Jeremiya 44:24

Jeremiya a di embela vathu ni vanyamayi vatshavbo, khuye: Upwani iso a ganelago Pfhumu Nungungulu, enu Vajudha mwatshavbo mu manegago tigoni ga Egipito.

Ezekiyeli 29:14

Nyi na wuyisa Vagipiti vale va nga bani va romo wugumbini, va wuya tigoni ga Patrusi, tigoni gwawe nya mavelego; avbo va naya wumbago mufumo nyambana tshivba.

Ezekiyeli 30:14

Litigo la Patrusi, nyi na li gira marumbi, nyi na rotha nilo tigoni ga Zowani, nyi tsayisa vathu va tigoni ga Nohi.

Matewu 7:13

“Belani khu mwanya nya dugwana! Kholu ndzila yi yisago gumbembani yi anamide ngudzu; mwanya wakone nuwo. Nya vangi khavo va belago khiyo!

Dhewuteronome 13:7

vbakari ga vanungungulu nya vathu va gu randredego, va vbafuvbi mwendro hwindzo nago, gukhugela mahegiso kala mahegiso nya litigo,