Jeremiya 44:14 - Bhibhiliya Nya Guage

¹⁴ Avbo nya gu, mwalo na moyo nya mitshaledwa ya na Judha a na vbulugago nya avo va na guya vbanyago tigoni ga Egipito kha nga valuveli; mwalo ni moyo a na gu wuyago tigoni gwawe ga Judha, ambari a nga bani ari gu suva gwawe; va na wuya basi vadugwana va na gu vbulugago.”

Jeremiya 44:14 Iomraidhean Croise

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 4:2

Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Jeremiya 42:17

Gu na gira kharato ga vathu vatshavbo va na gu yeyisago va hongola tigoni ga Egipito, gasi guya luvela iyoyo, va naya mbembiswa khu matshari, ndzala ni mitungu; vbakari gwawe mwalo a na gu vbulugago khu tsayiso nyi na gu wu rumelago.

Jeremiya 42:22

Khu guralo, muhuno dzitini nya gukhenu mu na songwani khu matshari, ndzala ni mitungu tigoni mu gu godego guya khala umo.”

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Ezekiyeli 20:38

Nyi na kasa vbakari gwanu vale va nyi kanyisago ni gu nyi wugela. Nyi va dusa tigoni mule va vbanyago umo, aholu kha va na wuya tigoni ga Israyeli. Khavbo mu na dzitigo gukhenu, eni kheni Pfhumu Nungungulu.

Ezekiyeli 6:8

Aholu nyi na tshiya vadugwana; vambe vanu va na vbuluga gu songwa gasi va kodza guphalalegiswa va yiswa ga mambe mayigo.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Varoma 2:3

Ahati uwe u dzi girago mulamuli wa vakwanu na wu gu vbanya nuwe nga avo. Wa gu pimisa gukhuwe u na vbuluga gulamudwa khu Nungungulu, gani?

Varoma 9:27

Isaya nuye a ngu ganela, na gu thula Israyeli, khuye. “Ambari tengo nya vathu va Israyeli wu tala kha nga fungo wa phwani, gu na vbanyiswa basi vadugwana.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.