Jeremiya 44:13 - Bhibhiliya Nya Guage

¹³ Nyi na tsayisa vatshavbo avo va khalago tigoni ga Egipito, khu matshari, ndzala ni mitungu, nga idzo nyi nga tsayisago khidzo lidhoropa la Jerusalema.

Jeremiya 44:13 Iomraidhean Croise

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 42:15

khu magirelo yoyo, enu mitshaledwa ya na Judha, yingisani magana ya Pfhumu Nungungulu; kholu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Mwa gu yeyisani mu hongola Egipito, mu ya luvela iyoyo;

Jeremiya 42:16

wonani nya gukhenu, matshari mu ma thavago, ma na mi landra tigoni ga Egipito, ni ndzala mu yi thavago, mu na bani muri nayo tigoni ga Egipito, mu naya fela iyoyo.

Jeremiya 42:17

Gu na gira kharato ga vathu vatshavbo va na gu yeyisago va hongola tigoni ga Egipito, gasi guya luvela iyoyo, va naya mbembiswa khu matshari, ndzala ni mitungu; vbakari gwawe mwalo a na gu vbulugago khu tsayiso nyi na gu wu rumelago.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 43:11

Uye a nata sasela litigo leli la Egipito. Avo va lumbwago khu gufa, va nafa! Avo va na lumbago gu vbagedwa, va na vbagedwa! Avo va lumbago gu songwa khu matshari, va nafa khu matshari!

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.