Jeremiya 43:7 - Bhibhiliya Nya Guage

⁷ na va yeyiside kharato magana ya Pfhumu Nungungulu, va di khuga va hongola Egipito, va ya vboha dhoropani ga Tafenisi.

Jeremiya 43:7 Iomraidhean Croise

2 Dzipfhumu 25:26

Khavbo avbo, vathu vatshavbo gukhugela avo nya vadugwana kala avo nya vakhongolo, ni vathangeli nya nyimbi, va di thava va hongola Egipito, kholu va di gu thava Vakalidhiya.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 30:4

Ambari vathangeli vanu va na Judha, olu na va vbohide Zowani, ni sirumwa sawe na si vbohide Hanisi,

Jeremiya 2:16

Ambari ni vathu va tigoni ga Menfisi ni va Tafenisi va mi pandride phandza hungoni.

Jeremiya 41:17

Va di thava va ya khala Giruti-Kimani, gu khalago vbafuvbi ni Bhetlehema, gasi va vbindra vaya Egipito,

Jeremiya 42:21

Aholu, muhuno nyi mi embedeni satshavbo esi Pfhumu Nungungulu wanu, a nyi rumedego gu mi tivisa, aholu kha mu dzumeli gu yingisa ni gimwegyo nya iso si dugago khu kanani gwangu.

Jeremiya 44:1

Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 44:24

Jeremiya a di embela vathu ni vanyamayi vatshavbo, khuye: Upwani iso a ganelago Pfhumu Nungungulu, enu Vajudha mwatshavbo mu manegago tigoni ga Egipito.

Jeremiya 46:14

Huwelelani esi tigoni ga Egipito ni gu pwadza Migidholi; mu huwelela gambe Menfisi ni Tafenisi, ganelani, khenu: Khugani mu dzi dongisele, kholu matshari momo ma sasela vaakelane vanu.

Ezekiyeli 30:18

Tigoni ga Tafinisi, gu na manega gidema vbakari nya mihani, gikhati nyi na fanyeledzelago mikanga ya Egipito, nyi vbedza matshandza nya tshivba yaye; sanana saye nya vanyamahegyane, si na fenengedzwa khu lipfhi si yiswa wugumbini.