Jeremiya 43:2 - Bhibhiliya Nya Guage

² Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 43:2 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

2 Dzikoronika 36:13

Gu diga isoso, a di wugela gambe mufumeli Nabhukodhonosori, uye a nga bani a sambanyide gwaye khu lina la Nungungulu gu mu thumela, a di bangisa monyo waye, kha nga vbindrugedza mavbanyelo a wuya ga Pfhumu Nungungulu wa Israyeli.

Dzindzimo 119:21

U ngu kawuka va nya matshandza, va dzi girelago libango khu gu ndraga milayo yago.

Dzindzimo 12:3

Pfhumu Nungungulu, pila sihofu nya malipha, sa avo va ganelago khu matshandza,

Dzindzimo 123:4

Gale na hi gu hodziswa mbukuta khu va nya gu khadzisega ni gu nyenywa khu va nya matshandza!

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Ekisodha 9:17

Aholu, uwe u nga gu simama sago gu dzi gugumugisa, u bomba gu tshula vathu vangu va hongola, gani?

Mavingu 16:5

Pfhumu Nungungulu a ngu vengana ni va nya matshandza, vathu vovo gima kha va na vbuluga.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Isaya 9:8

Pfhumu a di rumela magana yaye mayelano khu gutsayiswa ga va na Jakobe, ma ya thegela vbatshani ga Israyeli.

Jeremiya 13:15

Dembani ndzeve mu yingisa, mu nga dzi khusedzi; kholu Pfhumu Nungungulu ganede.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 40:8

Va dita wonana ni Gedhaliya dhoropani ga Misipa vathangeli vava: Ismayeli, mwamana wa Netaniya, Jowanani ni Jonatane, sanana sa Kareya, Seraya, mwamana wa Tanumeti, ni sanana sa Efayi, wa Netofati, ni Jazaniya, mwamana wa moyo nya Muhaka, gumogo ni vathu vaye.

Jeremiya 41:16

Khavbo avbo, Jowanani, mwamana wa Kareya, gumogo ni dzindruna dzaye dzatshavbo nya nyimbi a nga bani nari nadzo, ni vathu vatshavbo a nga va tshudzisago mandzani ga Ismayeli, mwamana Netaniya, gukhugela dhoropani ga Misipa, hwane nya gu bani na songide Gedhaliya, mwamana wa Ayikamo, va nga bani vari vama nya dzindrena nya nyimbi, vanyamayi ni sanana, ni mithenwa va nga bani va bweledzidwe khu Gibheyoni.

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 42:1

Khu guralo, vagimbidzisi vatshavbo nya nyimbi, Jowanani, mwamana wa Kareya, Jezaniya, mwamana wa Hosaya, ni vathu vatshavbo va tigoni; gukhugela vakhongolo ni avo nya vadugwana,

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Jeremiya 42:5

Avo va di hakha Jeremiya, khavo: “Pfhumu Nungungulu, a na khale fakazi nya lisine ni gu tumbega mbeli gwathu, ha gumba landrisa esi Pfhumu Nungungulu wago, a na gu rumelago gu hi tivisa!

Jeremiya 43:1

Avbo Jeremiya a nga vbedzago gu embela vathu vatshavbo magana yatshavbo a nga leletedwago khu Pfhumu Nungungulu waye, ayo Pfhumu Nungungulu waye a nga mu rumelago guta va tivisa,

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”