Jeremiya 43:12 - Bhibhiliya Nya Guage

¹² Nyi na dzurisa nilo dzinyumbani dza vanungungulu va Egipito, uye a na vbisa vanungungulu vakone, vambe a na va rwala a hongola navo nga dzikhumbi. A vbiyela litigo la Egipito, kha nga muhavisi a songago dzindraya dza dzingandzuni gwaye, a na bwelela khu vbale na gu womba kulungwane.

Jeremiya 43:12 Iomraidhean Croise

2 Samuweli 5:21

Va di tshiya vbale sifananiso nya vanungungulu vawe; si dzegwa khu Dhavhidhe ni vathu vaye.

Joba 40:10

Dzi ambagise khu wugulu ni wudhumo, u ambala gungangamela ni wuzundzo.

Dzindzimo 104:2

U ambade wenengedzo kha nga gifenengelo, u gu ladza ndzadzini gu fanana ni lilwambi.

Dzindzimo 132:16

Nyi na ninga vaphasi vago nya mhamba tshivba nya gu lamule vambe, va na kulungela khu gutsaka vale va khodwago gwaye.

Dzindzimo 132:18

Nyi na thela dzitshoni valala vaye; aholu uye a na fuma khu wuzundzo ni wudhumo.”

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 21:9

Olu, wonani! Gu nguta gikwata nya vama, vakhileli nya dzikavalu khu vavili vavili. Khavbo avbo, uye a di khusa lito a ganela, khuye: Thegide! Thegide Bhabhiloni; ni sifananiso saye satshavbo nya vanungungulu nya guvatwe, si pandregede si mbambamela mafuni.”

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Isaya 46:2

Vanungungulu vovo va ngu noga gumogo va thega navo kha va dzi kodzi gu vbanyisa sifananiso sawe; avo vamune kamwe, va ngu yiswa wugumbini.

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 59:17

A di ambala wululami gukhwatshi gikatawu nya gikete, ni gupala kha nga gihugu nya gu dzi vbanyise hungoni gwaye; bwelo khavbo a ambala guambala nya guphodze, a ambala guvbisega, gukhwatshi libhadzi.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 61:5

Vathu nya mambe mayigo va nata havisa mitshambi yanu; va nya mayigo va na khala valimeli vanu ni vasayisi nya marembwe yanu nya vhinya.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 25:19

ni Faro, mufumeli wa Egipito, madhota, manganagana gumogo ni vathu vaye;

Jeremiya 43:13

A na pandrelela sifananiso satshavbo nya sikhongolo nya vanungungulu dhoropani ga Bheti-Semesi, tigoni ga Egipito, a bwelo khavbo a vbisa dzinyumba dza vanungungulu vawe.”

Jeremiya 46:25

Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Jeremiya 48:7

Kholu, kha nga u tumbago sigiro sago ni dzithomba dzago, uwe nuwe u na wandrwa. Kemosi u na vbagedwa u yiswa wugumbitunu, gumogo ni vaphasi nya mhamba ni vathangeli vago.

Jeremiya 49:27

Nyi na khondrisa nilo, nyi vbisedzela libhiyo la Dhamasiko, uwo wu na dagaredzisago ni dzinyumba nya wufumu dza Bheni-Hadhadhi.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Ezekiyeli 29:11

Kha gu na vbindra khu vbale ngondro moyo nya muthu, mwendro nya girengo; gambe kha gu na khala vathu kala magumana myaga,

Ezekiyeli 29:19

Khu guralo, Mune Pfhumu Nungungulu, a ngu ganela kharati, khuye: Wonani nya gukhenu nyi na ningela litigo la Egipito mandzani ga Nabhukodhonosori, mufumeli wa Bhabhiloni, uye a na li sasela, a phanga silo saye satshavbo a hongola naso, gasi gu gira tshatshazelo ga masotshwa yaye.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Dhaniyeli 11:8

A na phanga gambe ni vanungungulu vaye, ni mwandra nya sifananiso saye, ni sombo saye nya lisima nya parata ni ndralama, a va vbagela a va yisa Egipito. Khu hwane nya myaga nya gukari, uye kha na nga dhumela mufumeli wa Wuronga.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Varoma 13:12

Wutshigu wu dandride, gugya gu vbohide. Hongoleni hi dige mithumo nya gidema, hi phara matshari hi dwana guwonegelani.

Vaefeso 4:24

Ambalani mavbanyelo nya muthu muphya a giridwego a fanana ni Nungungulu khu gululama ni ndruda lisineni.

Vaefeso 6:11

Dzi vhikeleni khu matshari yatshavbo mu ningwago khu Nungungulu, gasi mu kodze gu tiya, mu pale silingo sa Sathane.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

Vakolosi 3:14

Vbatshani nya satshavbo vegani lihaladzo a gu ilo li tshanganisago silo satshavbo.