Jeremiya 42:6 - Bhibhiliya Nya Guage

⁶ Ambari nari yadi mwendro nyamba yadi, hi na ma yingisa magana ya Pfhumu Nungungulu wathu hi gu rumelago avbo gwaye, gasi hi mana makategwa khu gu yingisa magana ya Pfhumu Nungungulu wathu.”

Jeremiya 42:6 Iomraidhean Croise

Dzindzimo 128:2

Kholu u na hodza mihandro nya thumo wago, u na katega, satshavbo si na gu dugela gwadi.

Dzindzimo 78:36

Aholu magana yawe ma di si tumbegi, satshavbo va nga bani va ganela a diri sa malipha.

Ekisodha 24:7

A di dzega libhuku nya gidzumeledzwano a hevbula na gu pwidwa khu vathu, avo va hakha, khavo: “Satshavbo esi Pfhumu Nungungulu a ganedego, ethu hi na si gira ni gu si yingisa.”

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Jeremiya 22:15

Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

Jeremiya 43:4

Khu magirelo yoyo, Jowanani, mwamana wa Kareya, ni dzindruna dzatshavbo nya nyimbi gumogo ni vathu vatshavbo, va di yeyisa magana ya Pfhumu Nungungulu, va si dzumeli gu khala tigoni ga Judha.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Varoma 7:13

Guyeyedza gupwani esi si gu sadi si vbindrugedzide si nyi vangela gufa, gani? Ahihi, khandridzo. Aholu gighoho, gasi gu dzi yeyedza gukhigyo gighoho kamwe, gi di ambala esi nya sadi gi nyi resela gufa. Khu magirelo yoyo, khu kota nya Nayo gu wonegisidwe gwadi guthisa nya guvivbe gwatshavbo nya gighoho.

Varoma 7:7

Aholu hi na khethu ginani gambe? Ina Nayo gighoho, gani? Khandridzo. Aholu, khu lisine, nari gupwani khandri kota nya Nayo, gima nya sa giti gighoho. Nya sa guti gudogolela savane nari gupwani Nayo kha wa nga ganela, gukhuwo: “U nga dogoleli savane.”

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

Dhewuteronome 5:27

Hidzimela uwe u ya yingisa satshavbo iso a nga gu embelago Pfhumu Nungungulu wathu; gasi uwe u na hi embela satshavbo iso a na gu embelago Pfhumu Nungungulu wathu, hi na si yingisa bwelo hi si landrisa.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Josuwa 24:24

Vathu va di embela Josuwa, khavo: “Pfhumu Nungungulu wathu, khuye basi hi yelago gu Mu khozela ni gu yingisa lito Laye.”