Jeremiya 42:5 - Bhibhiliya Nya Guage

⁵ Avo va di hakha Jeremiya, khavo: “Pfhumu Nungungulu, a na khale fakazi nya lisine ni gu tumbega mbeli gwathu, ha gumba landrisa esi Pfhumu Nungungulu wago, a na gu rumelago gu hi tivisa!

Jeremiya 42:5 Iomraidhean Croise

Genesi 31:50

Wa gu tshanisa sanana sangu, mwendro gu dzega vambe vanyamayi gu diga nya avo, ambari a gu mwalo muthu ni ethu avba, alakanya gukhuwe Nungungulu i fakazi ga eni ni uwe.”

Ekisodha 20:19

Vathu va di embela Mosi, khavo: “Ganela uwe ga ethu, ethu hi na yingisa; aholu a nga ganeli Nungungulu ga ethu, kholu hi ngafa.”

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Jeremiya 43:2

Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 43:4

Khu magirelo yoyo, Jowanani, mwamana wa Kareya, ni dzindruna dzatshavbo nya nyimbi gumogo ni vathu vatshavbo, va di yeyisa magana ya Pfhumu Nungungulu, va si dzumeli gu khala tigoni ga Judha.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.

Malakiya 2:14

Gambe mu nga gu wudzisana, khenu: “Khu ginani?” Kholu Pfhumu khade fakazi vbakari gwago ni mwangadzi nya wudzaha wago, oyu uwe u ngamba tumbega gwaye, ambari a nga bani ari uye mubangaladzi wago ni nyamayi u hungidego naye gidzumeledzwano nya dzegano.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Gutuledwa 3:14

Lovela ngilozi ya libandla la Lawodhikeya, khuwe: “Wule a gu uye, Amen, a gu fakazi nya guthembege nya lisine a gu uye guphela nya sivangwa sa Nungungulu, wari, khuye:

Valamuli 11:10

Vathangeli va Gileyadhi va di phindrula, khavo: “Pfhumu Nungungulu a na khala fakazi vbakari gwathu; hi na gira satshavbo u na ganelago.”

1 Samuweli 12:5

Uye a di va embela, khuye: “Pfhumu Nungungulu a na khale fakazi vbakari gwanu, gumogo ni ga a todzidwego waye khu mafura, uye muhuno i fakazi nya gukhuye, kha mwa mana nandru mandzani gwangu.” Vathu vatshavbo va di tiyisa, khavo: “Nungungulu a na khale fakazi.”

1 Samuweli 20:42

Jonatane a di embela Dhavhidhe, khuye: “Gimbila khu gurula, kholu hi sambanyide hatshavbo khu lina la Pfhumu Nungungulu, gikhati hi nga khethu: Pfhumu Nungungulu a na khale fakazi yathu kala gupindruga vbakari gwathu ni vbakari nya melego wathu.”