Jeremiya 42:4 - Bhibhiliya Nya Guage

⁴ Muprofeti Jeremiya a di va hakha, khuye: “Nyi si pwide iso mu nyi lombidego; nyi na lombelela khu enu, ga Pfhumu Nungungulu wanu, mayelano ni gilombo gyanu. Satshavbo iso Pfhumu Nungungulu, a na gu nyi embelago, nyi na mi tivisani nyamba siha gilo.”

Jeremiya 42:4 Iomraidhean Croise

Dzindzimo 40:10

Kha nya siha gululama gwago monyoni gwangu, aholu nyi tiviside gutumba ni guvbanyisa gwago; kha nya siha lihaladzo ni lisine lago, vbakari nya tshangano nya khongolo.

Ekisodha 8:29

Mosi a di hakha, khuye: “Wona, olu nyi khugago khavba gwago, nya gu ya lombelela ga Pfhumu Nungungulu gasi mindru mabhawa ma mwalalega avbo gwago uwe Faro, ga dzindruna dzago ni ga vathu va tigoni gwago. Egi basi gi vbwetegago khu gu Faro a si engedzi gu hi pemba, a bomba gutshula vathu vava va hongola va ya ningela miphaselo ga Pfhumu Nungungulu.”

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Jeremiya 23:35

Moyo ni moyo a na wudzisa pari gumogo ni ndriyaye, khuye: Gasi Pfhumu Nungungulu a di hakha khuye ginani? Ginani a ganedego Pfhumu Nungungulu?

Jeremiya 26:2

Pfhumu Nungungulu a ngu ganela kharati, khuye: Ema likupakupani nya Nyumba ya Pfhumu Nungungulu, u embela madhoropa yatshavbo ya Judha matago mata khozela Nyumbani ga Pfhumu Nungungulu, u va embela magana yatshavbo nyi gu rumidego gukheni u va tivisa; u nga tshiyi ni limwedo nya ayo.

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Mithumo 20:20

Enu mu ngu dzitini gwadi nya gukhenu gimwalo ni gimwegyo nyi mi sihedego, ga esi si dzi kodzago gu mi phasedzela, nyi tshumayede ni gu mi hevbudza vathuni ni mu dzindrangani gwanu.

Mithumo 20:27

kholu eni nyi mi tiviside makungo yatshavbo ya Nungungulu. Gimwalo nyi mi sihedego.

Varoma 10:1

Vandriyangu, esi nyi si vbwetago khu monyo wangu watshavbo, nyi si lombago ga Nungungulu milombeloni gwangu, khu gukheni Israyeli a vbanyiswe.

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.