Jeremiya 42:2 - Bhibhiliya Nya Guage

² va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Jeremiya 42:2 Iomraidhean Croise

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

Dzindzimo 119:170

Wu na vbohe iyo gwago nombelo wangu; nyi vbanyise kha nga u nyi tumbisidego.

Ekisodha 8:28

Khavbo avbo, Faro a di ganela, khuye: “Eni nyi na mi tshula mu hongola, gasi mu ya ningela dzimhamba nya miphaso ga Pfhumu Nungungulu wanu giwulani; aholu, mu nga hongolini hwindzo ngudzu. Nyi lombeleleni neni!”

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Isaya 42:20

Uwe u ngu wona silo nya singi, aholu khu si vegedzi; ambari wa gu tula dzindzeve dzago, khu yingisi gilo.

Jeremiya 15:11

Pfhumu Nungungulu a di ganela, khuye: “Khu lisine eni nyi na gu tiyisa nyi bwelo khavbo nyi gu kategisa, gikhatini nya mhango ni gusaniseka, nyi na gira ya valala vago vata khidzima migondroni gwago.”

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 21:2

“Hi ngu lomba gukhethu u hi wudzisela ga Pfhumu Nungungulu, kholu Nabhukodhonosori, mufumeli wa Bhabhiloni, a ngu soma nyimbi a hi sasela, mwendro saye Pfhumu Nungungulu a na hi girela siliwugiso gasi nala a khuge vbakari gwathu.”

Jeremiya 36:7

A gu dzina saye nombelo wawe wu na vboha mbeli ga Pfhumu Nungungulu, muthu ni muthu a vbindrugedza ndzilani gwaye nya guwegele, kholu likhulo li tivisidwego khu Pfhumu Nungungulu ga vathu vava, likhongolo ngudzu.”

Jeremiya 37:20

Gasi olu, uwe mufumeli, mune wangu, nyi ngu lomba upwa gulila gwangu nyi gukheni: U nga nyi digi nyi bwelela ndrangani ga Jonatane gasi nyi si yi fela iyoyo.”

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 38:14

Tshigu mwedo, mufumeli Zedhekiya a di ranisa muprofeti Jeremiya, aya tshangana naye vbalidimbatunu nya mwanya nya wuraru wu belago umo nya Nyumba ya Pfhumu Nungungulu; mufumeli a di embela Jeremiya, khuye: “Gyomo nyi vbwetago gu gu wudzisa, u nga nyi siheli ni gimwegyo.”

Jeremiya 40:15

Khu guralo, Jowanani, mwamana wa Kareya, a di dzega Gedhaliya dhoropani ga Misipa, aya ganela naye khu phuvbo, khuye: “Nyi dige nyiya songa Ismayeli, mwamana wa Netaniya, gasi mahungu yaya ma nga tidwi khu muthu, gasi uye a si gu songi. Khu ginani uye a vbwetago gu phalalegisa Vajudha vatshavbo va widego vata tshangana nago, ni gu fuvisa mitshaledwa yatshavbo ya Judha?”

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Ezekiyeli 12:16

“Aholu, nyi na tsetsa vadugwana vawe gu va songa khu litshari, ndzala ni mitungu, gasi va rwale guvivba gwawe gwatshavbo ga mayigo va na hongolago. Khavbo avbo, va na dzitigo gukhavo kheni Pfhumu Nungungulu.”

Hoseya 8:10

Ambari va nga bani va dzi rengiside ga va nya mayigo, olu nyi va tshanganiside, Va phede gu lemedwa khu mirwalo ya mufumeli ni ya manganagana.

Levhi 26:22

Nyi na rumela sirengo nya likhabi si songetela sanana sanu, si na vbedza sifuyo sanu, enu nenu mu na vbedzwa khiso mu khala vadugwana; dzindzila dzanu dzi na fuva.

Amosi 7:2

Avbo mbasa yi nga bani yi vbedzide gu hodza mwasi watshavbo wa tigoni, nyi di ganela, kheni: “Pfhumu Nungungulu, va tsetselele!” A na ema kharini Jakobe, olu a ngari dugwana?

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

Dhewuteronome 28:62

Va na tshala vadugwana vathu vbakari gwanu va na vbulugago, hwane nya gu na mu engedzelane mu khala vangi kha nga dzinyeledzi dza ndzadzini; satshavbo sesi khu kotani u ngamba yingisa lito la Pfhumu Nungungulu wago,

Dhewuteronome 28:63

Kha nga olu Pfhumu Nungungulu a tsakago khu gu mi kategisa, a mi andrisa, khidzo gambe kharato Pfhumu Nungungulu a na tsaka khu gu mi pfhungumula ni gu mi mbembisa; a nenu mu na duswa ga litigo mu yago ga ilo guya li fumela.

Dhewuteronome 4:27

Pfhumu Nungungulu a na mi phalalegisa vbakari nya mayigo, mu na tshala na muri tengo nya wudugwana vbakari nya vathu nya mayigo Pfhumu Nungungulu a na mi yisago umo.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 7:8

Va embela Samuweli, khavo: “U nga garali khu gu hi lombelela ga Pfhumu Nungungulu wathu, gasi a hi vbulugise mandzani ga Vafilisitiya.”