Jeremiya 42:15 - Bhibhiliya Nya Guage

¹⁵ khu magirelo yoyo, enu mitshaledwa ya na Judha, yingisani magana ya Pfhumu Nungungulu; kholu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Mwa gu yeyisani mu hongola Egipito, mu ya luvela iyoyo;

Jeremiya 42:15 Iomraidhean Croise

Genesi 31:21

A di ruredzela satshavbo si nga bani si gu mu lumba a gu thava naso; a tshatuga tsongo wa Ewufrate a thavela gigomoni gya Gileyadhi.

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 42:17

Gu na gira kharato ga vathu vatshavbo va na gu yeyisago va hongola tigoni ga Egipito, gasi guya luvela iyoyo, va naya mbembiswa khu matshari, ndzala ni mitungu; vbakari gwawe mwalo a na gu vbulugago khu tsayiso nyi na gu wu rumelago.

Jeremiya 44:24

Jeremiya a di embela vathu ni vanyamayi vatshavbo, khuye: Upwani iso a ganelago Pfhumu Nungungulu, enu Vajudha mwatshavbo mu manegago tigoni ga Egipito.

Dhaniyeli 11:17

A na dzi emisela khu tshivba yatshavbo nya mufumo waye, aholu uye a naya lomba gurula ni mufumeli wa Marandzi. A na mu ninga nyamahegyane waye a khala mwangadzi waye gasi a kodza gu mbembisa mufumo waye, aholu makungo yaye kha ma na mu phasa gilo.

Luka 9:51

Kha nga ulo ma nga bani ma gu vboha matshigu yaye nya gurure tigoni momu, Jesu a di hunga monyo a gu hongola Jerusalema.

Dhewuteronome 17:16

Aholu, mufumeli yoyo kha gu vbwetegi a dzi garadza khu gu mana dzikavalu nya dzingi, gambe kha gu vbwetegi gu a gurumedza vathu gu bwelela gambe tigoni ga Egipito, gasi guya mana dzikavalu nya dzingi; kholu Pfhumu Nungungulu a mi embede, khuye: Gima kha mu na bwelela gambe khu ndzila yeyi.