Jeremiya 42:10 - Bhibhiliya Nya Guage

¹⁰ Mwa gu khalani khu mavbanyelo nya yadi tigoni momu, Eni nyi na mi tiyisa, wulangani nya gu mi pfhungumule; nyi na mi tsitsa wulangani nya gu mi sigule, kholu nyi ngu dzi laya khu dzimhango nyi mi giredego.

Jeremiya 42:10 Iomraidhean Croise

2 Samuweli 24:16

Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

Dzindzimo 102:16

Kholu Pfhumu Nungungulu a na vbahedza nyaluphye Siyoni a dzi wonegisa khu wudhumo waye.

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 69:35

Kholu, Nungungulu a na vbanyisa Siyoni, a vbahedza madhoropa ya Judha, va na khala umo va bwelo khavbo va ma fuma.

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Jeremiya 24:6

Nyi na va khedza khu maho nya wuhindzi nyi va wuyisa tigoni momu; nyi na va tiyisa gima kha nyi na va pfhungumula, nyi va tsitsa, aholu gima kha nyi na va sigula.

Jeremiya 26:19

Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 27:11

“Aholu litigo li na gu dzumelago gu khoza ga mufumeli wa Bhabhiloni ni gu mu thumela, nyi na li diga li khala tigoni gwawe, a ngu ganela Pfhumu Nungungulu, li na dzi limela ni gu dzi vbahela dzindranga.”

Jeremiya 31:28

Pfhumu Nungungulu a ngu ganela, khuye: “Kha nga gikhati gi vbindridego nyi nga va khedza gasi gu va sigula ni gu va khungumula, ni gu va thesa, ni gu va tshanisa; nyi na va khedza gambe kharato gasi gu va vbaha ni gu va yala.”

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Jeremiya 43:4

Khu magirelo yoyo, Jowanani, mwamana wa Kareya, ni dzindruna dzatshavbo nya nyimbi gumogo ni vathu vatshavbo, va di yeyisa magana ya Pfhumu Nungungulu, va si dzumeli gu khala tigoni ga Judha.

Ezekiyeli 36:36

Khu guralo, va nya mayigo nya vaakelane vanu va na tshalago va na dziti gukhavo eni Pfhumu Nungungulu, nyi vbahedzide madhoropa ma khungumudwego, nyi yaledza iso si nga bani si digidwe. Eni, Pfhumu Nungungulu nyi ganede, gambe nyi na si gira.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Amosi 7:3

Khu guralo, Pfhumu Nungungulu, a di dzi laya khisoso a ganela, khuye: “Kha si na nga girega, a di ganela Pfhumu Nungungulu.”

Amosi 7:6

Khu guralo, Pfhumu Nungungulu a di dzi laya khisoso, khuye: “Ambari isoso kha si na girega gambe, a di ganela Pfhumu Nungungulu.”

Jona 3:10

Nungungulu a di wona esi va nga girago, nidzo va nga vbindrugedzago khidzo ndzilani gwawe nya guvivbe. A di dzi laya khu guvivba a nga vbweta gu va girela, a si va mbembisi kha nga a nga bani na ganede.

Jona 3:4

Jona a di bela dhoropani a gimbila litshigu rumba a huwelela, khuye: “Gu nga tshade gipimo nya magumana matshigu, Ninivha gu na pfhungumudwa.”

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Mithumo 15:16

‘Khu hwane nya esi nyi na wuya nyi ta wusedza tshatsha wa Dhavhidhe wu thegidego nyi na vbahedza marumbi yawe, nyi va emisa,

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.