Jeremiya 41:7 - Bhibhiliya Nya Guage

⁷ Avbo va nga belago vbakari nya lidhoropa, Ismayeli, mwamana wa Netaniya, gumogo ni vama a nga bani nari navo, va di va songa va va rinya namboni.

Jeremiya 41:7 Iomraidhean Croise

2 Dzipfhumu 15:25

Peka, mwamana wa ndruna yaye Remaliya, moyo nya ndruna yaye, a di dzega livbandre magumi vama va Gileyadhi a mu girela gikungo nya gu mu wugele aya mu songa Samariya namboni wa ndrangani ga mufumeli, gumogo ni Arigobhi ni Ariye; a fuma uye wulangani gwaye.

Dzindzimo 55:23

Aholu uwe Nungungulu u ngu va gira va relela phalani nya guete; avo vathu nya sighevenga ni wukanganyisi, kha va na vbohisa vbakari nya matshigu yawe nya guvbanye; aholu eni nya gu tumba uwe!

Mavingu 1:16

Kholu avo va gu tutumela umo nya guvivbe, va vbiredzela gu vbaladza novba.

Isaya 14:19

Aholu uwe wa gu dzudzugwa hwindzo ni lithowo lago, u fanana ni litamo nyamba phasa gilo, girumbi gyago gi na rinywa phalani nya siwindri, gi fenengedzwa khu sirumbi sa avo va nga songwa khu matshari, avo sirumbi sawe si relelago phalani, si pfareledwa khu siwindri.

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Varoma 3:15

Migondro yawe ya gu tutumela guya vbaladza novba.