Jeremiya 41:5 - Bhibhiliya Nya Guage

⁵ gu dzude khu madhoropani ya Sikemi, Silo ni Samariya, livbandre na mararu magumi vama na va vidwe siledzo, na va pferulede dzingandzu dzawe ni gu dzi hendrelela sivili sawe, va resa Nyumbani ga Pfhumu Nungungulu, miningelo nya dzimbewu ni libani.

Jeremiya 41:5 Iomraidhean Croise

Genesi 33:18

Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile.

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

Genesi 37:12

Tshigu mwedo vandruye va Josefa va di ghula mitshambi ya babe wawe va gu yi yisa Sikemi.

2 Samuweli 10:4

Khavbo avbo, Hanumi, a di dzega sithumi sa Dhavhidhe, gimwegyo ni gimwegyo a gi vila giledzu gihaya gimwegyo, a va pilela gipandre gimwegyo nya dzingandzu dzawe kala maragoni a va bweledza va hongola.

1 Dzipfhumu 12:1

Robhowamo a di hongola Sikemi, kholu vatshavbo va na Israyeli va di tombanide iyoyo gasi guya mu wumbela gu khala mufumeli.

1 Dzipfhumu 12:25

Jerobhowamo a di vbahedza Sikemi, gigomoni gya Efrayimi, a khala umo, khu hwane a di khuga aya vbahedza Penuweli.

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

1 Dzipfhumu 16:29

Akabi, mwamana wa Oniri, phede gu fumela Israyeli, khu mwaga nya magumararu na livbandre na miraru (38) nya gufume ga Asa, mufumeli wa Judha. Akabi, mwamana wa Oniri, fumede va na Israyeli, nari khu Samariya, magumavili na mivili myaga.

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

1 Dzikoronika 19:4

Khavbo avbo, Hanuni, a di mola sithumi sa Dhavhidhe, a si vbalula ndzudzu, a si pferulela guambala khu vbakari ni vbakari kala vbamaragotunu a va bweledza nyamba ambala gilo.

Dzindzimo 102:14

Kholu, sithumi sago si ngu gola siwindri sa Siyoni, ni gupwa wuvi khu kotani nya marumbi yawe.

Dzindzimo 78:60

Kala a diga ni Tshatsha waye nya miphaso tigoni ga Silo, nyumba a nga bani a gu vbanyela umo vbakari nya vathu.

Isaya 15:2

Vavbanyi va Bhajiti Dhibhoni va gu gwela malangani nya miphaso ya musigomoni, vaya lila; Mowabhi a ngu lila khu kotani ya Nebhu ni Medhebha. Vatshavbo va vbalude ndzudzu ni guvila giledzo.

Jeremiya 16:6

Vakhongolo ni sanana va nafa tigoni momu nyamba dzingwa khu muthu; kha va na lidwa ambari gu dzi hatshela ni gu vbalula ndzudzu mihungoni gwawe.

Jeremiya 41:4

Khu litshigu li landrelago, hwane nya gu bani na songidwe Gedhaliya, na si si gu tidwi khu muthu,

Jeremiya 47:5

Vavbanyi va dhoropani ga Gaza va gayide ndzudzu, Asikalomi mwalo lito, mbembide gumogo ni mitshaledwa ya kovani gwaye. Kala lini nu ngu dzi hendrelela givili gyago?

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Jeremiya 7:12

Gasi olu, nga hongolani ga wulanga wangu gu nga bani guri dhoropani ga Silo, avbo guhegulani gu nga bani gu khala avbo lina langu, mu ya wona iso nyi li giridego khu kotani nya sighoho sa vathu vangu, va na Israyeli.

Jeremiya 7:14

nyumbani momu li khozedwago umo lina langu, umo mu vegidego umo gitumbo gyanu, wulanga nyi mi ningidego enu ni vababe vanu, nyi na wu gira kha nga idzo nyi giridego lidhoropa la Silo.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Dhewuteronome 14:1

Enu mu sanana sa Pfhumu Nungungulu wanu. Khu guralo, mu nga hatshedwi dzindrova milini gwanu, ambari guvbaludwa ndzudzu hungoni gwanu khu kotani nya gufe muthu nya gukari.

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Josuwa 24:32

Marambo ya Josefa, ayo va na Israyeli va dzudego nawo khu Egipito, va diya ma dzinga tigoni ga Sikemi, ga gipandre Jakobe a nga rengago ga sanana sa Hamori, babe wa Sikemi, khu lizana (100) singerengere nya parata, gi di khala thomba ya sanana sa Josefe.

Valamuli 18:31

Avo va di dzi emisela gifananiso gi nga vatwa khu Mika, gi di khala vbakari gwawe matshigu yatshavbo, avbo Nyumba ya Nungungulu yi nga manega dhoropani ga Silo.

Valamuli 9:1

Abhimeleki, mwamana wa Jerubhahali, a di hongola Sikemi, ndrangani ga vandruye vamayi waye, aya embela valongo vaye gumogo ni lihundzu latshavbo la mayi waye, khuye:

1 Samuweli 1:7

Esi si di girega myaga yatshavbo gikhati Ana a gwelago Nyumbani ga Pfhumu Nungungulu; Ana a di khala khu gulila, a si hodzi gilo.