Jeremiya 41:2 - Bhibhiliya Nya Guage

² Ismayeli, mwamana wa Netaniya, gumogo ni likhumi vama va nga bani va mu bangaladza, va di khuga va songa Gedhaliya, mwamana wa Ayikamo, mwamana wa Safani, khu litshari, va songa wule a nga vegwago khu mufumeli wa Bhabhiloni gu khala mwamangulu nya litigo.

Jeremiya 41:2 Iomraidhean Croise

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

2 Dzipfhumu 25:25

Avbo gu nga vbindrago livbandre na mivili migima, a dita Ismayeli, mwamana wa Netaniya, mwamana wa Elisama, wa nyumbani nya wufumu, gumogo naye, a diri ni likhumi vama; vata paya Gedhaliya, afa, gumogo ni Judha ni Vakalidhiya a nga bani nari navo Misipa.

Dzindzimo 109:5

Va gu nyi bweledzela wuwadi khu guvivba, va bweledzela lihaladzo langu khu livengo.

Dzindzimo 41:9

Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

Jeremiya 40:14

va ya mu embela, khavo: “Ina u ngu dziti nya gukhuwe Bhahalisi, mufumeli wa va na Amoni, rumede Ismayeli, mwamana wa Netaniya, gasi guta gu songa, gani?” Aholu Gedhaliya, mwamana wa Ayikamo, kha nga khodwa khiso.

Jeremiya 40:16

Aholu Gedhaliya, mwamana wa Ayikamo, a di embela Jowanani, mwamana wa Kareya, khuye: “U nga giri silo nya nga isoso, kholu iso u ganelago khu mahungu ya Ismayeli, malipha.”

Jeremiya 40:5

Jeremiya na si gu ningi phindrulo ndruna nya dzighadhi yi di engedza, khiyo: “Bwelela u ya khala ni Gedhaliya, mwamana wa Ayikamo, mwamana wa Safani, uye a vegidwego gu khala mwamangulu nya madhoropa ya Judha, khu mufumeli wa Bhabhiloni; u na khala gumogo naye vbakari nya vathu, avbo u na gunago guhongola indra.” A di mu dongisa dzimbuva ni simbe silo a mu diga a hongola.

Jeremiya 40:7

Vathangeli vatshavbo nya nyimbi va nga bani va sihade mikovani gumogo ni vathu vawe, va dipwa gupwani mufumeli wa Bhabhiloni vegide Gedhaliya, mwamana wa Ayikamo gu khala mwamangulu nya litigo la Judha, a fuma vama ni vanyamayi, sanana ni vathu nya sisiwana sa tigoni va gu mwalo gilo, va nga tshalago ga avo va nga vbagedwa guya wugumbini ga Bhabhiloni.

Jeremiya 40:8

Va dita wonana ni Gedhaliya dhoropani ga Misipa vathangeli vava: Ismayeli, mwamana wa Netaniya, Jowanani ni Jonatane, sanana sa Kareya, Seraya, mwamana wa Tanumeti, ni sanana sa Efayi, wa Netofati, ni Jazaniya, mwamana wa moyo nya Muhaka, gumogo ni vathu vaye.

Jeremiya 41:3

Ismayeli a di songa gambe Vajudha vatshavbo va nga bani na vari ni Gedhaliya Dhoropani ga Misipa, gumogo gambe ni masotshwa nya Vakalidhiya, va nga bani na vari iyoyo.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’