Jeremiya 41:18 - Bhibhiliya Nya Guage

¹⁸ khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 41:18 Iomraidhean Croise

2 Dzipfhumu 25:22

Gasi khu avo va nga tshalago tigoni ga Judha, khu gu tshudwa khu Nabhukodhonosori, a di emisa Gedhaliya, mwamana wa Ayikamo, mwamana wa Safani, gu khala mwamangulu wawe.

2 Dzipfhumu 25:25

Avbo gu nga vbindrago livbandre na mivili migima, a dita Ismayeli, mwamana wa Netaniya, mwamana wa Elisama, wa nyumbani nya wufumu, gumogo naye, a diri ni likhumi vama; vata paya Gedhaliya, afa, gumogo ni Judha ni Vakalidhiya a nga bani nari navo Misipa.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 40:5

Jeremiya na si gu ningi phindrulo ndruna nya dzighadhi yi di engedza, khiyo: “Bwelela u ya khala ni Gedhaliya, mwamana wa Ayikamo, mwamana wa Safani, uye a vegidwego gu khala mwamangulu nya madhoropa ya Judha, khu mufumeli wa Bhabhiloni; u na khala gumogo naye vbakari nya vathu, avbo u na gunago guhongola indra.” A di mu dongisa dzimbuva ni simbe silo a mu diga a hongola.

Jeremiya 42:1

Khu guralo, vagimbidzisi vatshavbo nya nyimbi, Jowanani, mwamana wa Kareya, Jezaniya, mwamana wa Hosaya, ni vathu vatshavbo va tigoni; gukhugela vakhongolo ni avo nya vadugwana,

Jeremiya 42:11

Mu nga khali hwanga khu gu thava mufumeli wa Bhabhiloni, mu thusedzedwago khuye; Pfhumu Nungungulu a ngu ganela khuye, mu nga mu thavi, kholu eni nyi nanu, gasi gu mi vbanyisa ni gu mi tshudzisa mandzani gwaye.

Jeremiya 42:16

wonani nya gukhenu, matshari mu ma thavago, ma na mi landra tigoni ga Egipito, ni ndzala mu yi thavago, mu na bani muri nayo tigoni ga Egipito, mu naya fela iyoyo.