Jeremiya 41:10 - Bhibhiliya Nya Guage

¹⁰ Ismayeli a di vbagela yatshavbo mitshaledwa yi nga bani yi gu tshade Misipa, vanyamahegyane va mufumeli, ni vathu vatshavbo va nga bani va tshade Misipa, avo Nebhuzaradhani, ndruna nya dzighadhi, a nga bani a va vegide mandzani ga Gedhaliya, mwamana wa Ayikamo, a va vbagela aya navo tigoni ga na Amoni.

Jeremiya 41:10 Iomraidhean Croise

Nehemiya 2:10

Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Jeremiya 39:6

Mufumeli wa Bhabhiloni a di rumela gu songwa sanana sa Zedhekiya dhoropani ga Ribala na gu si wona; a rumela gu songwa gambe vathangeli va Judha.

Jeremiya 40:14

va ya mu embela, khavo: “Ina u ngu dziti nya gukhuwe Bhahalisi, mufumeli wa va na Amoni, rumede Ismayeli, mwamana wa Netaniya, gasi guta gu songa, gani?” Aholu Gedhaliya, mwamana wa Ayikamo, kha nga khodwa khiso.

Jeremiya 40:7

Vathangeli vatshavbo nya nyimbi va nga bani va sihade mikovani gumogo ni vathu vawe, va dipwa gupwani mufumeli wa Bhabhiloni vegide Gedhaliya, mwamana wa Ayikamo gu khala mwamangulu nya litigo la Judha, a fuma vama ni vanyamayi, sanana ni vathu nya sisiwana sa tigoni va gu mwalo gilo, va nga tshalago ga avo va nga vbagedwa guya wugumbini ga Bhabhiloni.