Jeremiya 40:7 - Bhibhiliya Nya Guage

⁷ Vathangeli vatshavbo nya nyimbi va nga bani va sihade mikovani gumogo ni vathu vawe, va dipwa gupwani mufumeli wa Bhabhiloni vegide Gedhaliya, mwamana wa Ayikamo gu khala mwamangulu nya litigo la Judha, a fuma vama ni vanyamayi, sanana ni vathu nya sisiwana sa tigoni va gu mwalo gilo, va nga tshalago ga avo va nga vbagedwa guya wugumbini ga Bhabhiloni.

Jeremiya 40:7 Iomraidhean Croise

2 Dzipfhumu 25:12

Aholu, muthangeli wule nya vawoneleli, vale a nga va vari sisiwana ngudzu nya litigo, a di va diga; vambe va tshala va sayisa marembwe nya miuvha, vambe va khala valimi.

2 Dzipfhumu 25:4

Va di pola gihogo vbalikhokholatunu; va duga khavbo vama vatshavbo nya gudwane nyimbi, va tutuma ni vbawutshigutunu khu mwanya wa vbakari nya dzindzari dza dzimbili, vbafuvbi ni lithembwe nya senge la mufumeli, kholu, Vakalidhiya va di randrede lidhoropa, mufumeli a di tutuma khu ndzila nya kova wa Joridhani.

Jeremiya 39:10

Aholu vale nya sisiwana vbakari nya vathu va nga bani vari mwalo thomba, Nebhuzaradhani, muthangeli nya dzighadhi a di va diga va khala tigoni ga Judha. Khu matshigu yale, a di va ninga gu sayisa marembwe nya miuvha ni malime.

Jeremiya 39:14

Va di rumela gu ya duswa Jeremiya umo nya likupakupa la dzighadhi va mu ningela ga Gedhaliya, mwamana wa Ayikamo, mwamana wa Safani, gasi a mu dzege a mu yisa nyumbani gwaye nya wufumu. Khu magirelo yoyo, Jeremiya a di simama gu khala vbakari ga vathu vaye.

Jeremiya 39:4

Zedhekiya, mufumeli wa Judha, gumogo ni masotshwa yaye yatshavbo, na va gu wona esi si dugelelago, va di tutuma, va duga dhoropani ni vbakari nya wutshigu, khu ndzila nya lithembwe la mufumeli khu mwanya wa vbakari ni vbakari nya mabhiyo mavili; va dzega ndzila nya guhongole Rabha.

Jeremiya 39:9

Vathu vatshavbo va nga tshalago dhoropani, gumogo ni vayeyisi va nga bani va dzi ningede gwaye ni mitshaledwa nya vathu, Nebhuzaradhani, muthangeli nya dzighadhi, a di va vbagela a va yisa wugumbitunu Bhabhiloni.

Jeremiya 41:1

Khu ngima nya livbandre na wuvili, Ismayeli, mwamana wa Netaniya, mwamana wa Elisama, wa nyumbani nya wufumu, a nga bani ari moyo nya ndruna ya mufumeli, na gu bangaladzwa khu likhumi vama, va di hongola Misipa va ya wonana ni Gedhaliya, mwamana wa Ayikamo, va diya hodza naye gumogo.

Jeremiya 41:10

Ismayeli a di vbagela yatshavbo mitshaledwa yi nga bani yi gu tshade Misipa, vanyamahegyane va mufumeli, ni vathu vatshavbo va nga bani va tshade Misipa, avo Nebhuzaradhani, ndruna nya dzighadhi, a nga bani a va vegide mandzani ga Gedhaliya, mwamana wa Ayikamo, a va vbagela aya navo tigoni ga na Amoni.

Jeremiya 41:11

Avbo Jowanani, wa Kareya, gumogo ni dzindruna dzaye nya nyimbi, va ngapwago wusaseli watshavbo wowu wu nga girwago khu Ismayeli, mwamana wa Netaniya,

Jeremiya 43:6

Mitshaledwa yakone, a diri vama, vanyamayi ni sanana nya vanyamahegyane va mufumeli, ni vatshavbo vathu, Nebhuzaradhani, muthangeli nya vaemeledzi va mufumeli, a nga bani a va ningede ga Gedhaliya, mwamana wa Ayikamo, mwamana wa Safani, gumogo gambe ni muprofeti Jeremiya, ni Bharuki, mwamana wa Neriya;

Jeremiya 52:16

Aholu, Nebhuzaradhani, muthangeli nya vaemeledzi, a di tshide gimbe gipandre nya vathu nya sisiwana gasi gu khala valimi ni vaphuli nya vbinyu.

Ezekiyeli 45:16

Vathu vatshavbo va tigoni va na gira mihengo, gasi gu gira ningelo yoyu ga mufumeli wa Israyeli.