Jeremiya 40:5 - Bhibhiliya Nya Guage

⁵ Jeremiya na si gu ningi phindrulo ndruna nya dzighadhi yi di engedza, khiyo: “Bwelela u ya khala ni Gedhaliya, mwamana wa Ayikamo, mwamana wa Safani, uye a vegidwego gu khala mwamangulu nya madhoropa ya Judha, khu mufumeli wa Bhabhiloni; u na khala gumogo naye vbakari nya vathu, avbo u na gunago guhongola indra.” A di mu dongisa dzimbuva ni simbe silo a mu diga a hongola.

Jeremiya 40:5 Iomraidhean Croise

2 Dzipfhumu 22:12

mufumeli a leletela muphasi nya mhamba Hilikiya, Ayikamo, mwamana wa Safani, Akibhori, mwamana wa Mikeya, ni mulovi Safani ni Asaya githumi gya mufumeli, a va embela, khuye:

2 Dzipfhumu 22:14

Khavbo avbo, muphasi nya mhamba Hilikiya, ni Ayikamo, Akibhori, Safani ni Asaya, va diya ga muprofeti nya nyamayi Hulidha, mwangadzi wa Salumi, mwamana wa Tikivha, mwamana wa Harasi, musayisi nya dzingandzu; a di vbahide Jerusalema; khu gipandre nya wuvili nya lidhoropa, va ya ganela naye.

2 Dzikoronika 34:20

Khu gulandrela, a di ninga sileletelo sesi ga Hilikiya, Ayikamo, mwamana wa Safani, Abhidhomi, mwamana wa Mika, ga mulovi Safani ni Asaya, githumi gya mufumeli, a va embela, khuye:

Ezira 7:27

A na rungudzwe Pfhumu Nungungulu wa vababe vathu, uye a vegidego mahungu nya nga aya monyoni ga mufumeli wathu, gasi hi zundza Nyumba ya Pfhumu Nungungulu wa Jerusalema.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Nehemiya 1:11

Olu Pfhumu! Nyi ngu gu lomba, u demba ndzeve, u yingisa nombelo wa eni githumi gyago, gumogo ni milombelo yatshavbo ya sithumi sago si golago gu rungudza Lina lago; nyi ngu gu lomba gukheni u kategisa eni githumi gyago, nyi kodze gu mana wuhigo muhuno mbeli ga mwama yoyu. “Kholu khu gikhati gyogyo eni nyi diri mu emeledzi nya meza ya mufumeli.”

Joba 22:29

Wa gu hembuludwa, uwe u na khuwe: Nyi khusedze! Kholu Nungungulu a gu vbanyisa avo va dzi nogisago.

Mavingu 16:7

Muthu a tsakisago Pfhumu Nungungulu khu mavbanyelo yaye, Uye a na mu gira a vbanya khu gurula ambari vbakari ga valala vaye.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Jeremiya 15:11

Pfhumu Nungungulu a di ganela, khuye: “Khu lisine eni nyi na gu tiyisa nyi bwelo khavbo nyi gu kategisa, gikhatini nya mhango ni gusaniseka, nyi na gira ya valala vago vata khidzima migondroni gwago.”

Jeremiya 26:24

Ayikamo, mwamana wa Safani, khuye a nga vbulugisago muprofeti Jeremiya gu songwa khu gidzemo.

Jeremiya 39:14

Va di rumela gu ya duswa Jeremiya umo nya likupakupa la dzighadhi va mu ningela ga Gedhaliya, mwamana wa Ayikamo, mwamana wa Safani, gasi a mu dzege a mu yisa nyumbani gwaye nya wufumu. Khu magirelo yoyo, Jeremiya a di simama gu khala vbakari ga vathu vaye.

Jeremiya 40:4

Gasi olu eni, nya gu vbweta gu gu tshula makhetshe u hungidwego mawogoni gwago, wa gu dzina hongole hatshavbo Bhabhiloni, eni nyi na khala musayisi wago; aholu wa gumba dzina, tshala. Wona! Litigo latshavbo lomo mandzani gwago, u hongola ni evbini u gunago, u gira iso u si wonago nari sadi mbeli gwago.”

Jeremiya 41:1

Khu ngima nya livbandre na wuvili, Ismayeli, mwamana wa Netaniya, mwamana wa Elisama, wa nyumbani nya wufumu, a nga bani ari moyo nya ndruna ya mufumeli, na gu bangaladzwa khu likhumi vama, va di hongola Misipa va ya wonana ni Gedhaliya, mwamana wa Ayikamo, va diya hodza naye gumogo.

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 41:2

Ismayeli, mwamana wa Netaniya, gumogo ni likhumi vama va nga bani va mu bangaladza, va di khuga va songa Gedhaliya, mwamana wa Ayikamo, mwamana wa Safani, khu litshari, va songa wule a nga vegwago khu mufumeli wa Bhabhiloni gu khala mwamangulu nya litigo.

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Mithumo 27:43

Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Mithumo 28:10

Avo navo va di hi sayisa khu githawo ngudzu. Litshigu hi nga khuga gambe khu ngalava, va di hi dongisela liendro lathu khu satshavbo esi si vbwetegago.

Vahebheru 13:6

Khu guralo, hi ngu tiya longo hi ganela, khethu: “Pfhumu khuye muphasedzeli wangu, eni kha nyi thavi gilo. A nga nyi gira ginani muthu?”