Jeremiya 40:15 - Bhibhiliya Nya Guage

¹⁵ Khu guralo, Jowanani, mwamana wa Kareya, a di dzega Gedhaliya dhoropani ga Misipa, aya ganela naye khu phuvbo, khuye: “Nyi dige nyiya songa Ismayeli, mwamana wa Netaniya, gasi mahungu yaya ma nga tidwi khu muthu, gasi uye a si gu songi. Khu ginani uye a vbwetago gu phalalegisa Vajudha vatshavbo va widego vata tshangana nago, ni gu fuvisa mitshaledwa yatshavbo ya Judha?”

Jeremiya 40:15 Iomraidhean Croise

2 Samuweli 18:3

Vathu va di hakha, khavo: “Kha si yeli gu hi duga nago, kholu sa gu lombega gu ethu hi tutuma, avo kha va na khathala ngudzu khu ethu, ambari nari gipandre nya ethu hi fudego, kholu uwe wenga u ngu dingana likhumi magumi mazana (10.000) nya ethu. Gasi olu i tshukwana u hi phasedzela nuri khu eno dhoropani.”

2 Samuweli 21:17

Aholu Abhisayi, mwamana wa Zeruwa, a di mu vbulugisa khu gu paya mufilisitiya a mu songa. Vathu va Dhavhidhe va di mu khongotela va mu embela gu va si hongoli naye nyimbitunu, gasi a si tshimi kandriya ya Israyeli.

Joba 31:31

avo va khalago tshatshani gwangu, va di ganela, khavo: “Khu mani a gumba khura khu nyama yaye!”

Jeremiya 40:8

Va dita wonana ni Gedhaliya dhoropani ga Misipa vathangeli vava: Ismayeli, mwamana wa Netaniya, Jowanani ni Jonatane, sanana sa Kareya, Seraya, mwamana wa Tanumeti, ni sanana sa Efayi, wa Netofati, ni Jazaniya, mwamana wa moyo nya Muhaka, gumogo ni vathu vaye.

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Johane 11:50

Dzitini nya gukhenu i tshukwana gufa muthu moyo, afela vathu vatshavbo, guvbindra gumbemba litigo rumba!”

1 Samuweli 24:4

Khavbo avbo, masotshwa ya Dhavhidhe ma di mu lembela, khayo: “Khilo eli litshigu lile Pfhumu Nungungulu a gu embedego, khuye: Nyi na ningela mandzani gwago valala vago gasi u va gira iso u na si golago.” Khu vbale Dhavhidhe a di hongola khu guvandramela aya pila tshoka nya gifenengelo gya Sawule, uye nyamba pwa gilo.

1 Samuweli 26:8

Khavbo avbo, Abhisayi a di embela Dhavhidhe, khuye: “Nungungulu muhuno ningede mandzani gwago nala wago, nyi dige nyi mu paya gumogo khu litshari nyi li vbondzisa mafuni; kha gu na vbwetega gu mu engedza gambe.”