Jeremiya 40:10 - Bhibhiliya Nya Guage

¹⁰ Aholu, eni nyi na khala avba Misipa, gasi gu landrisa milayo nyi na gu rumedwago khu Vakalidhiya. Enu mu na henga vbinyu ni mihandro nya guvidzwe ni mafura mu ya si vegani sisangalani nya madhoropa mu khalago umo.”

Jeremiya 40:10 Iomraidhean Croise

2 Samuweli 16:1

Avbo Dhavhidhe a nga vbindrago vbadugwana tshokha nya gigomo, a di khingwa khu Zibha, githumi gya Mefibhoseti, nari ni dziburu dzimbili na dzi rwegiside mazana mavili (200) sibaba, ni lizana sitsatsa nya dziuvha nya gubange, ni lizana (100) nya mihandro ya vbamarongatunu, ni gigasi nya wadwa nya vbinyu.

1 Dzipfhumu 10:8

Va kategide vathu vago, si kategide sithumi sesi sago, si guromo mbeli gwago gikhati gyatshavbo si yingisa guti gwago!

Mavingu 22:29

Ina uwe khu mu woni muthu a thumago khu wugengeli thumo waye, gani? Uye a na vegwa a thumela vafumeli, nasiri gu thumela vanyalidede.

Mavingu 27:25

Avbo gu duswago mwasi nya gubange, gu buga nyenvu, gu wungedzedwa mwasi musigomoni,

Isaya 16:9

Khu guralo nyi na lila, gumogo ni Jazeri, khu lithembwe la Sibima; uwe Hesibhoni, ni uwe Eleyali, nyi na mi naganisa khu marongo yangu; kholu thembweni gwanu nya mihandro, kha gu pwali gambe dzindzimo nya litsako nya guvbwere dzimbewu.

Jeremiya 35:19

Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Ndrani nya livelego la Jonadhabhi, mwamana wa Rekabhi, gima kha gu na hamugega muthu a na gu thumago mbeli gwangu matshigu yatshavbo.”

Jeremiya 39:10

Aholu vale nya sisiwana vbakari nya vathu va nga bani vari mwalo thomba, Nebhuzaradhani, muthangeli nya dzighadhi a di va diga va khala tigoni ga Judha. Khu matshigu yale, a di va ninga gu sayisa marembwe nya miuvha ni malime.

Jeremiya 40:12

Vatshavbo va di khuga khu malangani va nga bani va phalalegede umo va wuya tigoni gwa Judha, vata dzi tshanganisa ni Gedhaliya dhoropani ga Misipa. Khavbo avbo, va di hengisa vbinyu ni mihandro nya yingi.

Jeremiya 40:6

Jeremiya a di khuga a hongola Misipa, ndrangani ga Gedhaliya, mwamana wa Ayikamo, aya khala naye gumogo ni va na gyawe va nga bani va tshade tigoni gwawe.

Jeremiya 43:5

Khu guralo, Jowanani, mwamana wa Kareya, ni vathangeli nya nyimbi, va di dzega gidzemo gyatshavbo nya vathu va nga bani va vbulugide va phalalega ni mayigo va nga wuyiswago nyaluphye guta khala tigoni ga Judha, va hongola navo.

Jeremiya 48:32

Nga idzo nyi lilelago khidzo Jazeri, nyi na gu lilela nuwe kharato, lithembwe la Sibina; matamo yago ma navide ma tsemakanya yiphwa, ma vboha kala phwani ga Jazeri; aholu musaseli phangide mihandro yago nya maronga ni gikhati nya guvbwere dziuvha.

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Dhewuteronome 1:38

Josuwa, mwamana Nuni, a guromo mbeli gwago, uye a na gu bela; mu tiyisedze, kholu uye khuye a na gu gira gu va na Israyeli va li hakha li khala thomba yawe.

Dhewuteronome 16:13

U na gira buzo nya Mitshatsha ndrani nya livbandre na mavili matshigu, hwane nya gu bani na wu hengeledzede dzimbewu dzago githalani ni gikhwatini gwago.