Jeremiya 4:9 - Bhibhiliya Nya Guage

⁹ Khu litshigu lolo, a ngu ganela Pfhumu Nungungulu, khuye: “Vafumeli ni dzindruna nya mufumo va na vbela tshivba; vaphasi nya mhamba va na pilega hwambo ni vaprofeti va na samala.”

Jeremiya 4:9 Iomraidhean Croise

2 Dzipfhumu 25:4

Va di pola gihogo vbalikhokholatunu; va duga khavbo vama vatshavbo nya gudwane nyimbi, va tutuma ni vbawutshigutunu khu mwanya wa vbakari nya dzindzari dza dzimbili, vbafuvbi ni lithembwe nya senge la mufumeli, kholu, Vakalidhiya va di randrede lidhoropa, mufumeli a di tutuma khu ndzila nya kova wa Joridhani.

Dzindzimo 102:4

Monyo wangu wu hekhidwe wu banga kha nga mwasi; nya gu divala ni gu hodza.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 28:19

Gikhati gyatshavbo wu na vbindrago talo wu na mu kukuluta, kholu gugya ni gugya, wu na vbindra khaavbo wutshigu ni mihani; uye a na embedwago khu mahungu nya libango leli, a na thuruga ngudzu!

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 52:7

khu guralo, gu di podwa libhiyo nya lidhoropa gu manega gihogo, vama vatshavbo nya nyimbi va di duga va thava ni vbawutshigutunu, khu ndzila yi guromo khu vbakari nya mabhiyo ya mavili vbafuvbi ni lithembwe nya senge la mufumeli, kholu Vakalidhiya va di gu randrede lidhoropa khu maphuvbo yatshavbo. Avo va nga thavago va di bela khu ndzila yi thononago panini.

Mithumo 13:41

Wonani, enu vayeyisi; liwugani mu mwalalega! Khaguva nyi na wusa matshiguni yanu thumo moyo nya gu, mwa sa khodwa, nari pwani mu diya khu gu embedwa.”