Jeremiya 4:7 - Bhibhiliya Nya Guage

⁷ Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 4:7 Iomraidhean Croise

2 Dzipfhumu 24:1

Matshiguni ya Jeyowakimi, Nabhukodhonosori, mufumeli wa Bhabhiloni a dita mu dhumela, uye a di khala githumi gyaye khu gipimo nya myaga miraru. Khu hwane a di vbindrugedza a mu wugela.

2 Dzipfhumu 25:1

Khu mwaga nya livbandre na wu na nya gufume ga Zedhekiya, khu litshigu nya likhumi nya ngima nya likhumi, Nabhukodhonosori, mufumeli wa Bhabhiloni, a di dhumela Jerusalema khu nyimbi nya yikhongolo ngudzu. Va dita zumba va vbaha likhokhola; va randrela lidhoropa latshavbo.

Isaya 1:7

Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 5:9

Pfhumu Nungungulu nya Tshivba Yatshavbo, ganede dzindzeveni gwangu nyi mupwa, khuye: “Khu lisine, dzindranga dzatshavbo dzi na vbindrugedza dzi khala giwula, ni mudzinyumbani nya dzikhongolo nya gumbure, gu na tshala nyambana muthu.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 22:6

Kholu Pfhumu Nungungulu a ngu ganela kharati, mayelano khu ndranga ya mufumeli wa Judha, khuye: “Uwe avbo gwangu wa gu fanana ni gigomo gya Gileyadhi, u nyi tsakisa gu fanana ni gigomo gya Libhanoni; aholu nyi ngu sambanya gukheni nyi na gu vbindrugedza u khala giwula, lidhoropa nyamba khadwa khu muthu.”

Jeremiya 22:7

“Kholu nyi na gu rambela vasaseli, moyo ni moyo a na phara matshari yaye, va nata pila misimbo yago nya wumburi nya sedhari, va yi rinya niloni.”

Jeremiya 25:38

A fanana ni nghala yi dugidego khu wulangani gwaye; kholu litigo lawe li vbindrugedzidwe li khala giwula, khu kotani nya gukhondre nya likhulo la Pfhumu Nungungulu.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 26:9

Khu ginani u profetago khu lina la Pfhumu Nungungulu, khuwe: Ndranga yeyi yi na fanana ni Silo, ni lidhoropa leli li na khala marumbi nyamba khadwa khu vathu?” Vathu vatshavbo va nga bani vari Nyumbani ga Nungungulu va di randrela Jeremiya.

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:29

Madhoropa yatshavbo ma na tutuma ma thava khu kotani nya ligwaha nya vakhileli nya dzikavalu ni vakhwandri nya siholoma, vathu vaye va na thava va ya sihala sipoponi ni dziphagoni; madhoropa yatshavbo ma na khala na mari marumbi nyamba khadwa khu muthu.

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:44

Wonani nya gukhenu a nata kha nga nghala yi dugelago sipoponi sa Joridhani, yi bela wuhaviseloni nya mwasi nya gunyuge. Khidzo kharato, nyi na va phalalegisa tigoni momu, nyi vega uye nyi mu golago; kholu, gasi khu mani a fananago ni Eni? Gambe khu mani a yelago gu nyi wudzisa iso nyi girago? Khu mani a gu muhavisi a dzi kodzago gu dwana ni Eni?

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Ezekiyeli 12:20

Madhoropa ma khadwago khu vathu ma na khala marumbi, ni litigo li na khala giwula. Khu guralo, mu na dzitini gukhenu eni kheni Pfhumu Nungungulu.”

Ezekiyeli 21:31

Nyi na vbaladza vbatshani gwago likhulo langu, ni khorodza yangu yi na khondra kha nga nilo, nyi na gu ningela mandzani ga vathu nya dzihanyi, va olovedego gu sasela.

Ezekiyeli 32:2

“Mwamana wa muthu, emba ndzimo nya gililo nya gulile Faro, mufumeli wa Egipito, u mu embela esi, khuwe: U di gu fanana ni ginghalana vbakari nya mayigo, narigu uwe wa gu fanana ni ngona ya mitsongoni, u hambelago mitsongoni gwago, u ghunvungago mati khu migondro yago; u nyenyezisa mitsongo.

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.

Dhaniyeli 7:4

Igyo nya guhegule, gi di fanana ni nghala na giri ni mambapi nya lighama. Nyi di gi khedza kala mambapi yaye ma duswa, gi khuswa gi emiswa mafuni nga muthu, gi ningwa monyo nya muthu.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.