Jeremiya 4:31 - Bhibhiliya Nya Guage

³¹ Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 4:31 Iomraidhean Croise

Genesi 27:46

Rebheka a di embela Isaki, khuye: “Nyi ngu garadzega ngudzu guvbanyani gwangu khu kotani ya vanyamahegyane nya Vahiti; Jakobe nuye a gu dzegana ni nyamayi nya Muhiti kha nga avo, i tshukwana nyifa basi.”

Joba 10:1

Hefemulo wangu wu ngu garadzega khu guvbanya; nyi na phefemula esi si nyi garadzago monyoni gwangu, khu guralo, nyi na ganela khu guvbisega nya hefemulo wangu.

Dzindzimo 120:5

Libango langu, eni nyi gu muluveli tigoni ga Meseki nyi vbanyago mitshatshani ya Kedhari.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 13:8

Va na thurugiswa ngudzu; va modwa khu sigaradzo, va saniseka gu fanana ni nyamayi nya gulumwe, va na khedzisana khu gyawe na va gu samala, dzikhovbe dzawe dzi ngangamela kha nga nilo.

Isaya 21:3

Khu guralo, nyi di pwa wuvi ngudzu, nyipwa guvbisa kha nga nyamayi a lumwago; nyi ngu tshaniseka avbo nyi padwago ni gu yingisa, nyi thusedzedwa, avbo nyi si kodzigo ni gu wona gilo.

Isaya 26:17

Gufanana ni nyamayi a gu ni mimba, a gu bani na gulumwa, a gupwa guvbisa a wombeledzela dzihuwa, ethu nethu hi diri kharato mbeli gwago, Pfhumu Nungungulu.

Isaya 42:14

Gale ngudzu na nyi degude, nyi dzi phara nyi dzi rudzisa; aholu, olu nyi na keta kha nga nyamayi a lumwago, nyi na hefemudzega nyi bwelo khavbo nyi taledwa khu mahika.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 10:19

Yowe! Libango langu khu kotani nya gumbembiswe gwangu, mbanga yangu yi mwalo rendre! Ambari khu guralo nyi di, kheni: Owu khu tsayiso wangu, nyi fanede gu wu rwala.

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 30:6

Wudzisani ni gu wona, ina mwama a ngu dzi kodza gu lumwa, gani? Khu ginani nyi wonago vama vatshavbo va dzi pharago sirumbu gukhwatshi khu nyamayi a lumwago? Khu ginani dzikhovbe dzawe dzatshavbo dzi thuvigidego?

Jeremiya 45:2

“Pfhumu Nungungulu wa Israyeli, a ngu ganela khu kotani yago uwe Bharuki, khuye:

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Jeremiya 49:22

Wonani nala a tago khu gu vbuvba kha nga lighama, ata mbaka vbatshani ga Bhozira; khu litshigu lolo, myonyo nya dzindrena dza Edhomi yi na fanana ni monyo wa nyamayi a lumwago.

Jeremiya 49:24

Dhamasiko pilegide hwambo, a khuga a tutuma na gu ndrendremela, a di modwa khu hwanga ni guvbisega monyo kha nga nyamayi a lumwago.

Jeremiya 50:43

Avbo mufumeli wa Bhabhiloni, a nga pwago ndruma yawe, a di pilega hwambo a vbela tshivba, a tedwa khu rerema, a vbisega kha nga nyamayi a lumwago.

Jeremiya 6:2

Nyamahegyane nya gumbure ni wukheta wa Siyoni, eni nyi na mu gira marumbi.

Gililo 1:17

Siyoni khusedzide mandza a lombelela, aholu mwalo a mu tangadzisago, Pfhumu Nungungulu leletede valala va Jakobe va mu randrela khu malanga yatshavbo, Jerusalema khade gihegiso mbeli gwawe. Sade

Gililo 1:20

Pfhumu Nungungulu, nga wona idzo nyi tshanisekago khidzo! Hefemulo wangu wu ngu vbela tshivba. Monyo wangu wa gu ndragandraga ndrani gwangu kholu nyi gu pfhuraredego khu tshivba. Sanana sangu si ngu sasedwa vbavbandze khu matshari; ndrangani gwangu gu pwala lufu basi. Sini

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Hoseya 13:13

A na vbohedwa khu wuvi nya nga wa nyamayi a lumwago, kholu uye gyanana nyamba yingisa, gya gu vboha gikhati, kha dugi khu rumbuni a nga sihalago umo.

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Mikeya 4:9

Gasi olu, khu ginani u wombago huwa nya yikhongolo, ina u mwalo mufumeli, gani? A difa singalagadzi wago, gani? Gu kala u pwa wuvi nya nga wa nyamayi a lumwago?

Mikeya 7:1

Libango langu! Kholu nya gu fanana ni gikhati nya guvbwerwe mihandro nya nango nya maronga; gu mwalo ni gitsatsa gimwegyo gi tshadego nya dziuvha nya guhodze, ambari ndzawa nya guvidzwe nyi yi golago ngudzu.

Matewu 21:5

“Embelani nyamahegyane wa Siyoni. Khenu khedza Mufumeli wago, a gu telago khu gurula, na khilede giburwana, gyanana nya buru.”

1 Vakorinto 9:16

Nyi mwalo fanelo nya gu dzi gire matshandza khu thumo nya gutivise Ivhangeli, kholu i fanelo yangu gu gira isoso. Khidzo, libango ga eni nyamba tivisa Ivhangeli!

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.