Jeremiya 4:30 - Bhibhiliya Nya Guage

³⁰ Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Jeremiya 4:30 Iomraidhean Croise

2 Dzipfhumu 9:30

Jewu a dita Jezireyeli, Jezabheli, na pwide gu vboha gwaye, a di todza maho yaye, a mburisela hungoni gwaye, a khedzisela khu vbagihogwanatunu.

Mavingu 6:25

Monyo wago wu nga dzumeli gu modwa khu gu dogorela wumburi waye ambari gundrindrwa khu gurunya nya maho yaye.

Mavingu 7:10

Nyamayi wule a di duga a mu khinga na ambade sombo nya wuphuphulu, monyo waye na wu tade khu wudambane.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Ezekiyeli 28:13

Uwe u diromo Edheni, thembweni ga Nungungulu; u di gu dzi fenengedza khu siwindri satshavbo nya lisima a gu esi: Saridhiyo, topaziyo, dayimani, bherilo, onikisi, jasiperi, safira, karibhukulo ni esmeralidha; ndralama a diri iyo sikwinyaro sago, iso si lulamisedwego litshigu u vangidwego.

Ezekiyeli 28:9

Ina u na ganela mbeli ga wule a na gu songago, khuwe: Eni kheni Nungungulu, gani? Kholu uwe mandzani ga vale va gu songago, u muthu basi, khuri Nungungulu.

Obhadhiya 1:7

Mayigo yatshavbo u pwananago navo, ma gu pengiside ma gu yisa vbavbandze nya litigo lago; ni avo va londrolago gurula gwago va gu pfhadzide va gu pala; ni avo va hodzago guhodza gwago, va gu dembede naphwi migondroni gwago; tigoni gwa Edhomi, wu mwalo pwanano.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Gutuledwa 17:13

Vatshavbo va na ni mapimo mamowo, va na vega tshivba yawe nya wufumu mandzani nya girengo.

Gutuledwa 17:2

egi vafumeli va tigoni va nga bhayago nagyo, gi nga levisa vathu va tigoni khu wadwa nya wubhayi waye.”

Gutuledwa 17:4

Nyamayi a di ambade mwendra nya giwunguwungu niyo nya gufuvile, na dzi mburisede khu ndralama, ni siwindri nya gukhedzige. Mandzani gwaye a di pharide gikombe nya ndralama nya gutale khu manyala ni ndzilo nya wubhayi waye.