Jeremiya 4:28 - Bhibhiliya Nya Guage

²⁸ Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Jeremiya 4:28 Iomraidhean Croise

Isaya 24:4

Mafu momo gililoni ma bwelo khavbo ma wu na; litigo li rerekide li vbela tshivba, vakhongolo nya vathu va tigoni va vbede tshivba.

Isaya 34:4

Lidambo, ngima, dzinyeledzi ni mabuthu yatshavbo nya sivangwa sa ndzadzini, si na fuviswa, ni damboni gu na fumbwa gu fanana ni lidangalila; mabutho yaye yatshavbo ma na thegela khu vbatshani gu fanana ni nyahagane nya uvha mwendro nya ndzowe.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 50:3

Nyi ngu ambagisa ndzadzini khu gidema nyi gu fenengedza khu mwendra nya gilendra.”

Jeremiya 12:11

Va li ghohetede, la gu lila avbo gwangu khu kotani nya olu li khadego giwula; litigo latshavbo li pfhungumudwe, aholu mwalo a khathalago khu isoso.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 23:20

Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Jeremiya 30:24

Likhulo la Pfhumu Nungungulu kha li na bwelela hwane, na li si gu thumi ni gu tadzisa gugola nya monyo waye; guhegisani nya matshigu, esi mu na si pimani.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Jeremiya 7:16

Gasi olu, uwe Jeremiya, u nga lombeleli khu vathu vava, u nga nyi reseli gambe gililo mwendro nombelo khu kotani nya vathu vava, ne u nga dzi garadzi, kholu eni kha nyi na gu yingisa.

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Ezekiyeli 24:14

Eni Pfhumu Nungungulu nyi ganede. Olu gi vbohide gikhati nya gu nyi thuma. Kha nyi na bwelela hwane. Uwe u na lamudwa gukhedza khu mavbanyelo yago ni mithumo yago.” A ngu ganela Mune Pfhumu Nungungulu.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Joyele 1:10

Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.

Zakariya 8:14

Kholu Pfhumu Nungungulu nya Tshivba Yatshavbo a ngu ganela kharati, khuye: Kha nga olu Eni nyi nga bani nyi pimiside gu mi girelani guvivba, gikhati vababe vanu va nga nyi wusela likhulo langu, nyamba bwelela hwane nyi dzi laya, a ngu ganela Pfhumu Nungungulu nya Tshivba Yatshavbo;

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Matewu 27:45

Gukhugela midiya kala ni silambo gu di manega gidema tigoni gwatshavbo.

Marko 15:33

Ni mihani, khu gikhati nya livbandre na gimwegyo gu di phuma tigoni gwatshavbo gu manega gidema nya gikhongolo ngudzu kala khu gikhati nya livbandre na wu na.

Luka 23:44

Khumo nya midiya, gi di manega gidema tigoni gwatshavbo, kala ni silambo khu 15 wora kholu lidambo li di tshiredzidwe.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vahebheru 7:21

gasi oyu a di khala muphasi nya mhamba khu gisambanyo, gikhati Nungungulu a nga khuye: “Pfhumu yi sambanyide, kha yi bweleli hwane, khiyo: Uwe u muphasi kala gupindruga.”

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”