Jeremiya 4:27 - Bhibhiliya Nya Guage

²⁷ Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 4:27 Iomraidhean Croise

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Nehemiya 9:31

Ambari khu kharato, khu kotani nya wuhindzi wago nya wungi, kha wa va diga va mbembisa muphelo, ambari gu va pfhurarela, kholu Uwe, U Nungungulu U gu ni wuhindzi ni gu pwela wusiwana.

Isaya 17:6

Aholu gu na tshala gwaye vadugwana nya guvbanye, gukhwatshi khu gu bani gu havedwe wuguhu gu tshaledzela wumbe nya gukari dzitshokhani nya matamo. Wa gu kutsungwa gu tshala dzikhongoba dzimbili mwendro dzitharu khu matamoni ya vbatshani, ni dzina mwendro livbandre, khu dzitshokhani nya matamo nya gunave. A ngu ganela Pfhumu Nungungulu wa Israyeli.

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 4:20

Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Jeremiya 5:18

Ambari khu kharato, Pfhumu Nungungulu a ngu ganela, khuye: “Khu matshigu yoyo kha nyi na mu mbembisa muphelo.”

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 2:7

Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Ezekiyeli 11:13

Gikhati eni nyi nga bani nyi profeta, Pelatiya, mwamana wa Bhenaya, a difa. Khavbo avbo, nyi di khidzima nyi kuha mafu khu khovbe, nyi lila khu lito nya gukhugege, kheni: “Ah! Mune Pfhumu Nungungulu! Ina u na mbembisa mitshaledwa yatshavbo ya Israyeli, gani?”

Ezekiyeli 20:17

Nyi di va khedza nyi va pwela wusiwana, kha nya va pfhungumula ambari gu va mbembisa giwulani.

Ezekiyeli 33:28

Nyi na vbindrugedza litigo li khala giwula nyambana muthu, nyi na fuvisa matshandza nya tshivba yaye, sigomo sa Israyeli si na khala giwula, nya gu, mwalo a na vbindrago khumo.

Ezekiyeli 6:14

Nyi na thawuludza libogo langu vbatshani gwawe, nyi pfhungumula litigo lawe gukhugela giwulani gya Marandzi, kala dhoropani ga Ribila, phuvbo ga Wuronga, nyamba tshiya ni wulanga wumowo nya umo va vbanyago umo va na Israyeli; gikhati gyogyo va na dziti gukhavo kheni Pfhumu Nungungulu.”

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:44

Ambari khu kharato, avbo va nga bani na vari tigoni ga valala vawe, gima kha nya va dzudzuga, ambari gu va diga nya gukala nyi va mbembisa nyi divala gidzumeledzwano nyi giridego navo; kholu Eni kheni Pfhumu Nungungulu wawe.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.