Jeremiya 4:20 - Bhibhiliya Nya Guage

²⁰ Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Jeremiya 4:20 Iomraidhean Croise

Dzindzimo 42:7

Gueta gwa gu rana gumbe gueta gupwala guzindzani nya mabara; mavimbi yatshavbo ni sivimbyana si di vbindra khu vbatshani gwangu.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Ekisodha 33:5

Pfhumu Nungungulu a di embede Mosi, khuye: “Embela sanana sa Israyeli, khuwe: Enu mu vathu nya gubange mihungo. Nya gu manega gikhati gi dugwana basi vbakari gwanu, nyi na mi mbembisa, khu kharato, tshulani esi mu dzi mburisedego khiso, gasi eni nyi giti egi nyi na gu girago.”

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 33:20

Wonani Siyoni, lidhoropa hi girelago umo mibuzo yathu; maho yago ma na wona Jerusalema, wulanga nya gutenge, tshatsha wu na gumba sigudwa, madingo yaye gima kha ma na nga sigudwa, ambari ni dzingodzi dzaye gima kha dzi na kaviga.

Isaya 47:9

Aholu sigaradzo sa sivili, si na gu dugelela khu litshigu limwedo; u na fedwa khu sanana sago ni gu khala noni; si na gu garadzela ngudzu. Ambari nuri ni mirendre nya gutale ni wuloyi nya tshivba.

Isaya 54:2

Engedzela guanama nya tshatsha wago; u thawuludza khu guvbiredza mwendra nya tshatsha wago, u nga wu rodzisi; ghwimba dzingodzi dzaye u tsitsa gwadi dziphingwi.

Jeremiya 12:11

Va li ghohetede, la gu lila avbo gwangu khu kotani nya olu li khadego giwula; litigo latshavbo li pfhungumudwe, aholu mwalo a khathalago khu isoso.

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Jeremiya 4:21

Kala lini nyi na gu wona ngavbya, ni gupwa lito nya gudzume nya mipundru, na?

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 4:6

Ghwimbani ngavbya mu thonona Siyoni, thavani khu guvbiredza mu vbweta wulanga nya gusihale avbo! Kholu eni nyi ngu resa libango khu Wuronga, a gu gusasedwa nya gukhongolo ngudzu.”

Jeremiya 9:18

Va na vbiredze, vata hi embelela ndzimo nya gililo, gasi gu thega marongo khu dzikhovbeni gwathu, ni dzitshi dzathu dzi tala khu mati.”

Gililo 3:47

va hi thela hwanga va hi mola khu milaphwi, va hi mbembisa hi fuva.

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Levhi 26:18

Ambari khu satshavbo sesi mwa gumba nyi yingisani, nyi na simama gu mi tsayisa livbandre na dzimbili dzinyondro khu kotani nya sighoho sanu.

Levhi 26:21

Mwa gu hambanani ni eni, mu si vbweti gu nyi yingisa, nyi na mi reselani mitungu livbandre na dzimbili dzinyondro, gasi gu mi tsayisa khu sighoho sanu.

Levhi 26:24

Eni neni nyi na hambana nanu nyi mi tsayisa khu gu wuyelela livbandre na dzimbili dzinyondro khu kotani nya sighoho sanu.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Habhakuka 3:7

Nyi wonide wuvi nya mitshatsha ya Khusani; makhuvi nya matendra ya Midhiyani ma di ndrendremela.

Mitengo 16:21

“Ndreyani vbakari nya tshangano yoyo, kholu nya gu vbweta gu va mbembisa khu gikhati nya gidugwana.”

Mitengo 16:45

“Khugani khu vbakari nya tshangano yoyo, kholu nya gu vbweta gu va mbembisa kamwe olu.” Khavbo avbo va di thega va tsitsa khu dzikhovbe mafuni.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.