Jeremiya 4:19 - Bhibhiliya Nya Guage

¹⁹ Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 4:19 Iomraidhean Croise

Genesi 49:6

Uwe hefemulo wangu, u nga beli makunguni gwawe! Ni uwe monyo wangu, hambana navo, kholu likhuloni gwawe va songide vathu, ni gu dzikhusedzani gwawe va theside dzikuzi.

2 Dzipfhumu 4:19

Gi di embela babe waye, khigyo: “Hungo wangu wa gu vbisa! Hungo wangu wa gu vbisa!” A di embela githumi gyaye, khuye: “Mu khuse u mu yisa ga mayi waye.”

2 Dzipfhumu 8:11

Muthu wa Nungungulu a di khusa maho huye rwada mahoni gwaye kala a khala dzitshoni. Muthu wa Nungungulu a di lila.

Dzindzimo 103:1

Uwe hefemulo wangu dhumisa Pfhumu Nungungulu, ni satshavbo si guromo ndrani gwangu, si na bonge lina laye li agidego.

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Dzindzimo 119:53

Nya gu pwiswa wuvi nya wukhongolo khu va nya guvivbe, kholu kha va theli kota khu nayo wago.

Dzindzimo 146:1

Aleluya! Dhumisani Pfhumu Nungungulu! Uwe hefemulo wangu, dhumisa Pfhumu Nungungulu!

Dzindzimo 16:2

Nyi di embela Pfhumu Nungungulu, kheni: “Uwe Pfhumu yangu, khuwe thomba yangu yatshavbo; gimwalo gimbe gilo nya guvbindre uwe.”

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 16:11

Khu guralo, mahembe yangu ma gu dzuma nga gitendre khu kotani ya Mowabhi, monyo wangu wa gu vbisega khu kotani ya Kiri-Heresi.

Isaya 21:3

Khu guralo, nyi di pwa wuvi ngudzu, nyipwa guvbisa kha nga nyamayi a lumwago; nyi ngu tshaniseka avbo nyi padwago ni gu yingisa, nyi thusedzedwa, avbo nyi si kodzigo ni gu wona gilo.

Isaya 21:4

Monyo wangu wu ngu ghavata nyi ndrendremela khu guthava, wutshigu nyi nga wu vbwetago, wu vbindrugedzide avbo gwangu wu khala gilo nya guthise.

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 23:9

Mayelano khu vaprofeti; nyi ngu garadzega ngudzu ni monyo wangu wu ngu vila ni givili gyangu gyatshavbo gya gu ndrendremela gufanane ni muthu a dhedherekago khu gu leva khu wadwa, khu kotani ya Pfhumu Nungungulu ni magana yaye nya guage.

Jeremiya 4:21

Kala lini nyi na gu wona ngavbya, ni gupwa lito nya gudzume nya mipundru, na?

Jeremiya 4:5

Tivisani tigoni gwa Judha! Mu huwelela Jerusalema, khenu: Wombani pundru tigoni momu gwatshavbo! Khusani malito mu laledza mu ganela, khenu: Tombanani! Hongoleni hi thave hi tutumela madhoropani nya makhokhola!

Jeremiya 42:14

ni gu ganelani, khenu: Ahihi, ethu hi naya Egipito, iyo hi na gumba ya wona dzinyimbi, ambari gupwa pundru nya dzinyimbi, ni gu saniseka khu dzindzala,

Jeremiya 49:2

Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Jeremiya 50:22

Tigoni gwatshavbo gu pwala ligwaha nya nyimbi, gu ghohekela silo nya gutale.

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Jeremiya 8:18

Oh! Nari gukhwatshi nyi ngu kodza gu dzi tangadzisa wuvini gwangu! Kholu monyo wangu wu vbede tshivba.

Jeremiya 8:21

Nyi ngu vbela tshivba khu gu sasedwa ga vathu vangu; nyi ngu lila ngudzu, nyi vbede tshivba.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Gililo 1:16

Khiso si nyi lidzisago; maho yangu ma vbaladza marongo, aholu mwalo a nyi tangadzisago, ni gu tiyisa hefemulo wangu; sanana sangu si ngu saniseka, kholu nala a ngu ghiya. Pheni

Gililo 1:20

Pfhumu Nungungulu, nga wona idzo nyi tshanisekago khidzo! Hefemulo wangu wu ngu vbela tshivba. Monyo wangu wa gu ndragandraga ndrani gwangu kholu nyi gu pfhuraredego khu tshivba. Sanana sangu si ngu sasedwa vbavbandze khu matshari; ndrangani gwangu gu pwala lufu basi. Sini

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Dhaniyeli 4:19

simbo wowo, gu thudwa uwe mufumeli, u dandridego u khala muthu nya tshivba, wugulu wago wu vboha kala damboni, gufuma gwago gu nava kala mahegiso nya litigo.

Dhaniyeli 7:15

Eni Dhaniyeli, hefemulo wangu wu di vbela tshivba, kholu siwoniso sesi si di nyi thurugisa.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Dhaniyeli 8:27

Gasi eni Dhaniyeli, nyi di vbela tshivba nyi dwala matshigwana. Khu hwane nyi di khuga nyi wuya thumoni ga mufumeli. Nyi di samadziswa ngudzu khu giwoniso gegi; mwalo a nga kodza gu gi pima.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Mitengo 10:9

Mwa gu soma nyimbi tigoni gwanu guya dwana ni valala vanu vatago va ta mi dhumela, gu vbweta mu womba mipundru yi dzuma ngudzu. Khu guralo, Eni Pfhumu Nungungulu, nyi na mi alakanyani nyi mi vbulugisa ga valala vanu.

Varoma 10:1

Vandriyangu, esi nyi si vbwetago khu monyo wangu watshavbo, nyi si lombago ga Nungungulu milombeloni gwangu, khu gukheni Israyeli a vbanyiswe.

1 Vakorinto 14:8

Pundru a gu pwala khu madzumelo nyamba tisega, khu mani a na dzi dongiselago guya nyimbini?

Vagalatiya 4:19

Vanavangu, nyi ngu simama gupwa wuvi kha nga nyamayi a lumwago khu enu, kala litshigu Kristo a na gu vbelelago guwumbwa myonyoni gwanu;

Valamuli 5:21

Va di kukulutwa khu tsongo wa Kisomi, tsongo wule wa gale, tsongo nya mayunga. Uwe hefemulo wangu, tiya uya mbeli.