Jeremiya 4:18 - Bhibhiliya Nya Guage

¹⁸ Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 4:18 Iomraidhean Croise

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 14:16

Ni vathu va dzi girelago wuprofeti, va na mbambamela mudzindzilani dza Jerusalema, khu kotani nya gu songwe khu ndzala ni matshari; kha va na dzingwa khu muthu, avo gumogo ni vagadzi vawe, sanana sawe nya sikhwathana nesi nya sagadzyana; nyi na va fenengedza khu libango va li wusidego vabune.

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 26:19

Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 5:19

Aholu va gu wudzisa, khavo: “Khu ginani Pfhumu Nungungulu wathu, a hi giredego silo satshavbo sesi?” Khavbo avbo, va hakheni, khenu: Kha nga olu enu mu nyi digidego mu ya thumela vambe vanungungulu nya va nya mayigo, tigoni gwanu, kharato nugo, mu naya thumela va nya mayigo ga litigo li gu siri lanu.

Jeremiya 5:25

Guvivba gwanu gu ngu ndreyisa silo sesi, ni sighoho sanu si ngu hidzimisa makategwa hwindzo nanu.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Gililo 3:15

U nyi khuriside khu silo nya guvave, u nyi levisa khu wadwa nya wuhungu. Vau

Ezekiyeli 39:24

Nyi va giride gukhedza khu gunyenyeza ni guvivba gwawe, khu guralo, nyi di va sihela khovbe yangu.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.