Jeremiya 4:14 - Bhibhiliya Nya Guage

¹⁴ Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Jeremiya 4:14 Iomraidhean Croise

Dzindzimo 119:113

Nyi ngu vengana ni wukanganyisi aholu nyi gola nayo wago.

Dzindzimo 51:2

Nyi handze gighoho gyangu nyi agise ga giwono gyangu.

Dzindzimo 66:18

Naripwani nyi di alakanya guvivba monyoni gwangu, Pfhumu gima na sa nyi yingisa.

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 2:22

Ambari mwa gu hamba khu levbini lifumbu nya sabawu, noda nya sighoho sanu kha yi na futega; A ngu ganela Pfhumu Nungungulu.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Zakariya 8:17

ni moyo wanu a nga pimisi guvivba monyoni gwaye, mu wugelana khu gyanu, ambari gusambanya malipha; kholu Eni nyi ngu si nyenya satshavbo soso; a ngu ganela Pfhumu Nungungulu.

Matewu 12:33

“Kha nga mu dzitigo, simbo nya wadi wa gu velega mihandro nya yadi; gasi uye nyambasi wadi wa gu velega mihandro nyamba yadi. Khu kharato, simbo wa gu tidwa khu mihandro yaye.

Luka 11:39

Pfhumu a di mu embela, khuye: “Enu Vafarisi mwa gu handza mbiya ni khokho khu vbavbandze basi, gasi khu ndrani gwanu mu tade khu wuvafa ni ndrwadza.

Johane 13:9

Simoni Pedro a di khuye: “Pfhumu, u nga nyi handzi migondro basi, aholu, ni mandza ni hungo gambe!”

Mithumo 8:22

Dzi laye u vbindrugedze guvivbani gwago u lombe ga Pfhumu mwendro a na gu divalela mahingigedzo nya monyo wago,

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

1 Vakorinto 3:20

Wumbe wulanga gu lovidwe gambe pwani: “Pfhumu a nguti maalakanyo ya va nya gugengela, a ngu mati gukhuye maalakanyo nya liphanga.”

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.