Jeremiya 4:11 - Bhibhiliya Nya Guage

¹¹ Khu gikhati gyogyo, va na embedwa vathu vava ni Jerusalema, pwani: “Phuvbo nya guvbise ya musigomoni nya giwula yi na furugedza khu mudzindzilani dza nyamahegyane wa vathu vangu, nasiri gu vbevbera mwendro gu hetshetsha.”

Jeremiya 4:11 Iomraidhean Croise

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Isaya 27:8

Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Jeremiya 13:24

Khu guralo, nyi na mi phalalegisa kha nga mungu wu vbuvbiswago khu phuvbo giwulani.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 23:19

Wona nya gukhuwe likhulo la Pfhumu Nungungulu li na khusega kha nga phuvbo nya gingulu vbatshani nya sighohi.

Jeremiya 4:12

Phuvbo yeyi nyi na yi resago yi na bani yiri ni tshivba ngudzu, gasi guta va lamula khiyo.

Jeremiya 8:19

Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi Pfhumu Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:7

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Gililo 3:48

Marongo ma gu goga khu mahoni kha nga tsongo, khu gu wona gumbembiswa ga nyamahegyane wa tigoni gwangu. Ain

Gililo 4:10

Ambari vanyamayi va nga bani vari ni lihaladzo, va phude sanana sawe va hodza gikhatini nya gukhungumudwe lidhoropa la tigoni gwathu, Caf

Gililo 4:3

Ambari masolwa ma ngu sayisa sanana sawe ma si mamisa; aholu nyamahegyane wa tigoni gwathu vivbide monyo a fanana ni sivaga sa giwulani. Dalet

Gililo 4:6

Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Ezekiyeli 17:10

Ambari wu yadwego gale, ina wu na dandra, gani? Kha wu na banga wa gu furugedzwa khu phuvbo ya Khugadambo, wu wu na, wu mwalalega ga wulanga wu nga bani wu yadwe avbo, gani?”

Ezekiyeli 19:12

Aholu wu di sigudwa khu tshivba nya likhulo, wu theswa kala vbavbatshi, phuvbo ya Khugadambo yi di wu wunisa, mihandro yi di dusedwa, ma di fanyega ni gubanga matamo yaye nya gutiye, ma dagarela khu nilo.

Hoseya 13:15

Ambari a gu ninga mihandro vbakari ga vandriyaye, gu nata phuvbo ya Khugadambo, khu ga Pfhumu Nungungulu, yi furugedza gukhugela giwulani, yi bangisa sifefe sawe, gu banga ni nambo wawe. Thomba yawe yatshavbo yi na phangwa khu malangani yi khalago umo.

Hoseya 13:3

Khu guralo, va na khala nga mapfhi nya wuronga ni hunguva nya mambagugya yi vbiredzelago guvbindra, ni mungu wu vbuvbiswago khu gingulu, ni wutshi wu tuvigago khu nyumbani.

Hoseya 4:19

Va ghubhudwe mambapini gwawe khu phuvbo nya gipupwane va yiswa hwindzo, va na khala dzitshoni khu kotani nya miphaso yawe.

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Habhakuka 1:6

Kholu wonani nya gukhenu nyi na mi resela Vakalidhiya, litigo nya guleve ni dzihanyi, li tsemakanyago gulapha gwatshavbo nya litigo, va phanga malanga va si lumbwigo khayo.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Luka 3:17

A na ni gitandri mandzani, gasi gu vbevberela sa githungani gyaye, bwelo khavbo a gu sefa mavbila a ma vega mugithungani, a dzega mungu wakone a wu vbisa niloni nya gukhondre nyamba tshimega.”