Jeremiya 39:4 - Bhibhiliya Nya Guage

⁴ Zedhekiya, mufumeli wa Judha, gumogo ni masotshwa yaye yatshavbo, na va gu wona esi si dugelelago, va di tutuma, va duga dhoropani ni vbakari nya wutshigu, khu ndzila nya lithembwe la mufumeli khu mwanya wa vbakari ni vbakari nya mabhiyo mavili; va dzega ndzila nya guhongole Rabha.

Jeremiya 39:4 Iomraidhean Croise

2 Dzikoronika 32:5

Ezekhiya a di tala khu tshivba, a di vbahedza likhokhola li nga bani li khungumugide, a khusedza makhokhola ma lapha, a vbaha limbe likhokhola khu vbavbandze, a tiyisa wulanga wu ranwago gupwa Milo, Dhoropani ga Dhavhidhe, a gira matshari ni sitshangu nya singi.

Isaya 22:11

Mu giride gambe lidhamo vbakari nya mabhiyo ya mavili, gasi gu thela mati ma nga bani ma romo ga lidhamo la gale, aholu kha mwa khedza vbatshani, mu wona uye a si giridego, ambari gu khathala khu wule a si giridego galegaleyo.

Isaya 22:3

Vathangeli vago vatshavbo va di thava gumogo, va gu modwa nyamba dzi dwanela; enu mwatshavbo mu di manwa mu modwa ambari mu nga bani mu thavede hwindzo.

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Jeremiya 32:4

gambe Zedhekiya, mufumeli wa Judha, kha na vbuluga mandzani ga Vakalidhiya, gambe kha na vbuluga gu ningedwa mandzani ga mufumeli wa Bhabhiloni, aholu a na ganela naye, khovbe ni khovbe, a wonana naye khu maho yaye;

Jeremiya 32:5

uye a na dzega Zedhekiya a hongola naye Bhabhiloni, avbo a na gu ya khala kala Pfhumu Nungungulu a mu alakanya; kha nga edzi a ganedego gukhuye mwa gu wusani nyimbi ni Vakalidhiya kha mu na dugelela.

Ezekiyeli 12:12

Muthangeli wawe a na vbagara rwalo waye vbasilambotunu, a duga khu gihogo gi na podwago vbalibhiyotunu gasi gu a duga khavbo. Uye a na fenengedza khovbe yaye gasi a si woni gilo gya tigoni.

Ezekiyeli 12:4

Dusa mirwalo yago vbavbandze gu ngari mihani nu gu wonwa khu vathu, gasi uwe u na khuga vbasilambotunu na va gu gu wona, kha nga wule a rurago a hongola ga limbe litigo.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:36

Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.