Jeremiya 39:18 - Bhibhiliya Nya Guage

¹⁸ Kholu Eni khu lisine nyi na gu vhikela; khu na songwa khu litshari, aholu u na vbanyisa womi wago, kholu u tumbide Eni,” a ngu ganela Pfhumu Nungungulu.

Jeremiya 39:18 Iomraidhean Croise

1 Dzikoronika 5:20

Avo va di phasedzedwa gu dwana navo khu Pfhumu Nungungulu a nga ningelago va na Hagari va thega mandzani gwawe gumogo ni vaphasedzeli vawe; kholu vbakari nya litunga, avo va di rana Pfhumu Nungungulu, uye a di va yingisa, kholu avo va di vegide gitumbo avbo gwaye.

Joba 5:20

Gikhatini nya ndzala, kha na gu diga ufa, a na gu tshudzisa nyimbini, ni tshivbani nya matshari.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 34:22

Pfhumu Nungungulu a ngu dzegisa mihefemulo ya sithumi saye, ni vale va tumbago uye, gima kha va na tsayiswa.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Dzindzimo 91:7

Ambari gu thega bambe gwago, likhumi mazana (1.000); mwendro gu thega likhumi magumi mazana (10.000) nyamudye gwago, gambe uwe khu na thegedwa khu libango lolo.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Varoma 2:12

Kholu vatshavbo va ghohago nyamba wuti Nayo, va na mbemba nyamba lamudwa khu Nayo yoyo. Gasi vale va ghohago na va gu wuti Nayo, va na lamudwa khu Nayo.

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.