Jeremiya 39:10 - Bhibhiliya Nya Guage

¹⁰ Aholu vale nya sisiwana vbakari nya vathu va nga bani vari mwalo thomba, Nebhuzaradhani, muthangeli nya dzighadhi a di va diga va khala tigoni ga Judha. Khu matshigu yale, a di va ninga gu sayisa marembwe nya miuvha ni malime.

Jeremiya 39:10 Iomraidhean Croise

2 Dzipfhumu 25:12

Aholu, muthangeli wule nya vawoneleli, vale a nga va vari sisiwana ngudzu nya litigo, a di va diga; vambe va tshala va sayisa marembwe nya miuvha, vambe va khala valimi.

Isaya 7:21

Ga litshigu lolo, moyo ni moyo a na fuya mombe mweyo nya ngadzi ni dzinvuta dzimbili,

Jeremiya 40:10

Aholu, eni nyi na khala avba Misipa, gasi gu landrisa milayo nyi na gu rumedwago khu Vakalidhiya. Enu mu na henga vbinyu ni mihandro nya guvidzwe ni mafura mu ya si vegani sisangalani nya madhoropa mu khalago umo.”

Jeremiya 40:7

Vathangeli vatshavbo nya nyimbi va nga bani va sihade mikovani gumogo ni vathu vawe, va dipwa gupwani mufumeli wa Bhabhiloni vegide Gedhaliya, mwamana wa Ayikamo gu khala mwamangulu nya litigo la Judha, a fuma vama ni vanyamayi, sanana ni vathu nya sisiwana sa tigoni va gu mwalo gilo, va nga tshalago ga avo va nga vbagedwa guya wugumbini ga Bhabhiloni.

Jeremiya 43:6

Mitshaledwa yakone, a diri vama, vanyamayi ni sanana nya vanyamahegyane va mufumeli, ni vatshavbo vathu, Nebhuzaradhani, muthangeli nya vaemeledzi va mufumeli, a nga bani a va ningede ga Gedhaliya, mwamana wa Ayikamo, mwamana wa Safani, gumogo gambe ni muprofeti Jeremiya, ni Bharuki, mwamana wa Neriya;

Jeremiya 52:16

Aholu, Nebhuzaradhani, muthangeli nya vaemeledzi, a di tshide gimbe gipandre nya vathu nya sisiwana gasi gu khala valimi ni vaphuli nya vbinyu.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.