Jeremiya 39:1 - Bhibhiliya Nya Guage

¹ Khu mwaga nya livbandre na wu na nya gufume ga Zedhekiya, khu ngima nya likhumi, a dita Nabhukodhonosori, mufumeli wa Bhabhiloni, gumogo ni masotshwa yaye yatshavbo, ata dhumela Jerusalema ni gu li randrela.

Jeremiya 39:1 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Jeremiya 32:1

Pfhumu Nungungulu a di rumela ga Jeremiya magana yaya, khuye: Khu mwaga nya likhumi nya gufume ga Zedhekiya, mufumeli wa Judha, owu khu mwaga gu enedzago likhumi na livbandre na miraru myaga nya gufume ga Nabhukodhonosori.

Jeremiya 34:1

Pfhumu Nungungulu a di resa magana yaya ga Jeremiya, gikhati Nebhokadhonosori, mufumeli wa Bhabhiloni, a nga bani a guta ni masotshwa yaye yatshavbo gumogo ni mifumo yastshavbo ni mafumbu ya mafuni ma nga bani ma fumedwa khuye, ma ta dhumela Jerusalema gumogo ni madhoropa yaye yatshavbo, a ganela, khuye:

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 52:1

Zedhekiya a diri ni magumavili na moyo myaga gikhati a nga phela gufuma, fumide likhumi na moyo myaga dhoropani ga Jerusalema; lina la mayi waye a diri uye Hamutali, nyamahegyane wa Jeremiya, wa Libhina.

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Ezekiyeli 33:21

Khu litshigu nya livbandre, nya ngima nya likhumi, nya mwaga nya likhumi na mivili, a dita avbo gwangu mwama moyo a nga thava khu Jerusalema a ta nyi embela, khuye: “Lidhoropa li khungumudwe.”

Ezekiyeli 4:3

Dzega litindzalo nya dzisimbi, u li vega kha nga libhiyo nya dzisimbi, vbakari gwago ni lidhoropa, u li khedza; kharato li na bani li randredwe, gambe u na li randrela; isoso si na khala giyeyedzo ga va na Israyeli.

Ezekiyeli 40:1

Khu guphelani nya mwaga nya magumavili na livbandre nya guvbagedwe gwathu, khu litshigu nya likhumi nya ngima, na gu vbindride likhumi na mina myaga na gu khungumudwe lidhoropa, khu litshigu lolo kamwe, Pfhumu Nungungulu a di nyi phara khu libogo a nyi yisa iyoyo.

Ezekiyeli 5:2

Gikhati ma vbelago matshigu nya gurandredwe lidhoropa, u na vbisa niloni gipandre nya wuraru nya ndzudzu ndrani nya lidhoropa. Dzega gimbe gipandre nya wuraru u gi pilela khu litshari maphuvbo yatshavbo ya dhoropani. U mwaladzela gimbe gipandre nya wuraru gi vbuvbiswa khu phuvbo; kholu eni nyi na va lundra khu hwane khu litshari.

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.