Jeremiya 38:6 - Bhibhiliya Nya Guage

⁶ Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Jeremiya 38:6 Iomraidhean Croise

Genesi 37:24

va mu mola va mu rinya namboni. Nambo wu diri liphanga nyambana mati.

Dzindzimo 109:5

Va gu nyi bweledzela wuwadi khu guvivba, va bweledzela lihaladzo langu khu livengo.

Dzindzimo 40:2

A nyi duside phalani nya lufu, seleni mule nya maraga; a emisa migondro yangu vbatshani nya giwindri, a tiyisa mawundru yangu.

Dzindzimo 69:2

Nyi ngu dzama phalani nya maraga, gu mwalo ni wulanga nya gugandre; nyi rinyidwe nandwani nya mati nya guete, mati ma ngu nyi langaladza nyi ngu ndrindrwa khu mwedzi.

Jeremiya 32:2

Khu gikhati gyogyo Jerusalema gu di randredwe khu masotshwa ya Bhabhiloni; muprofeti Jeremiya a di khothedwe likupakupani nya nyumba ya mufumeli wa Judha.

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Jeremiya 37:16

Jeremiya va di mu rinya pasoni nya liphala nya guete, avbo a khadego matshigu nya gutale.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 38:13

Khu gulandrela va di ndrindrela Jeremiya khu dzingodzi va mu dusa namboni. Jeremiya a di simama gu khala likupakupani nya dzighadhi.

Jeremiya 38:22

Vanyamayi vatshavbo va na tshalago nyumbani nya wufumu wa Judha, va na dzegwa va ningedwa ga vathangeli va mufumeli wa Bhabhiloni, gasi avo va na ganela, khavo: Dzipari dzile dzago nya dzadi dzi gu kanganyiside, dzi gu pfhadzide. Migondro yago yi pfugunyede maragani; dzipari dzago dzi gu digide.

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Zakariya 9:11

Gasi uwe, khu kotani nya novba nya gidzumeledzwano gyangu nago, nyi na tshudzisa sibotshwa sago khu namboni nyambana mati.

Mithumo 16:24

Na hakhide nayo yoyu, a di va dzega a va thela pasoni, a va hunga liphili mawundruni.

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.