Jeremiya 38:5 - Bhibhiliya Nya Guage

⁵ Mufumeli Zedhekiya a di ganela, khuye: “Khu yoyo, womo mandzani gwanu; kholu eni gimwalo gihimbedzo nyi dzi kodzago gu mi girela.”

Jeremiya 38:5 Iomraidhean Croise

2 Samuweli 19:22

Aholu Dhavhidhe a di hakha, khuye: “Gasi mahungu muni nyi gu nawo nanu enu madzahanu ya Zeruwa, na? Ina muhuno litshigu nya gufe muthu wa na Israyeli, gani? Ina eni kha nyi dziti gukheni muhuno nyi emisedwe gu khala mufumeli wa Israyeli, gani?”

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Jeremiya 26:14

Gasi eni kheni oyu, nyi womo mandzani gwanu; girani kheni iso mu si wonago na siri sadi na si lulamide khu eni.

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Dhaniyeli 6:17

Khavbo avbo, gu di wumbulugiswa giwindri gi sega likana nya liphala, mufumeli a funga khu phera ya mandzani gwaye ni dziphera dza vathangeli vaye, gasi gu si vbindrugedzwi tsayiso wu lumbago Dhaniyeli.

1 Samuweli 15:24

Khavbo avbo, Sawule a di embela Samuweli, khuye: “Nyi ghohide kholu nyi nga ndragago nayo wa Pfhumu Nungungulu, ni magana yago; Kholu nyi di thava masotshwa nyi yingisa magana yawe.

1 Samuweli 29:9

Aholu Akisi, a di hakha Dhavhidhe, khuye: Nyi ngu dziti gwadi; gukheni khu lisine uwe mahoni gwangu u wadi gu fanana ni ngilozi ya Nungungulu; aholu manganagana nya Vafilisitiya ma di ganela khayo: “Oyu a nga longoloki ni ethu gu hongola nyimbitunu.