Jeremiya 38:3 - Bhibhiliya Nya Guage

³ Pfhumu Nungungulu a ngu ganela kharati, khuye: Lidhoropa leli khu lisine kamwe li na ningedwa mandzani nya mabutho ya mufumeli wa Bhabhiloni, va li sasela.”

Jeremiya 38:3 Iomraidhean Croise

Jeremiya 21:10

Kholu Pfhumu Nungungulu a ngu ganela kharati, khuye: Nyi dzi emisede gu veta lidhoropa leli, khu kotani nya sighoho saye nasiri khu wuwadi; li na thega mandzani ga mufumeli wa Bhabhiloni, uye a li vbisa khu nilo.

Jeremiya 21:4

Pfhumu Nungungulu wa Israyeli, a ngu ganela kharati, khuye: Wonani nya gukhenu matshari yoyo mu gu nawo mandzani gwanu, mu dwanago khayo ni mufumeli wa Bhabhiloni gumogo ni Vakalidhiya va mi randredego khu hwane nya mabhiyo; nyi na ma wungedzela vbakari nya lidhoropa leli.

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 29:16

Kholu Pfhumu Nungungulu a ngu ganela kharati mayelano khu mufumeli a khalago vbagikhalotunu nya wufumu wa Dhavhidhe ni ga vathu vatshavbo va vbanyago dhoropani, vandriyanu va ngamba hongola gumogo nanu wugumbitunu;

Jeremiya 37:8

Vakalidhiya va na wuya vata sasela lidhoropa leli, va li phanga ni gu li vbisa.

Jeremiya 38:18

Aholu, wa gumba ya dzi ningela ga vathangeli va mufumeli wa Bhabhiloni, lidhoropa leli li na thegela mandzani ga Vakalidhiya, avo va na li vbisa, uwe khu na vbuluga mandzani gwawe.”