Jeremiya 38:28 - Bhibhiliya Nya Guage

²⁸ Jeremiya a di simama gu khala likupakupani nya dzighadhi kala guphangwa ga Jerusalema.

Jeremiya 38:28 Iomraidhean Croise

Dzindzimo 23:4

Ambari nyi gimbila kovani nya gidema nya lufu, kha nyi na thava gilo, kholu u womo vbafuvbi gwangu; ndronga ni tshetengelo wago yi ngu nyi tiyisa.

Jeremiya 33:1

Jeremiya na ngari pasoni, lito la Pfhumu Nungungulu li dita khu gikhati nya wuvili, likupakupani nya lipaso li ta mu embela, khilo:

Jeremiya 37:20

Gasi olu, uwe mufumeli, mune wangu, nyi ngu lomba upwa gulila gwangu nyi gukheni: U nga nyi digi nyi bwelela ndrangani ga Jonatane gasi nyi si yi fela iyoyo.”

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 38:13

Khu gulandrela va di ndrindrela Jeremiya khu dzingodzi va mu dusa namboni. Jeremiya a di simama gu khala likupakupani nya dzighadhi.

Jeremiya 38:27

Khu guralo, vathangeli vatshavbo va di ya mu wudzisa, aholu Jeremiya a di hakha kha nga idzo a nga laywa khidzo khu mufumeli; va di mu diga a khala khu gurula, kholu kha nga thuledza gilo.

Jeremiya 39:13

Khu magirelo yoyo, Nebhuzaradhani, muthangeli nya dzighadhi, a di ruma Nebhusazibhani, Rabhi-Sarisi, Nerigali-Sarezeri, Rabhi-Magi gumogo ni dzindruna dzatshavbo dza mufumeli wa Bhabhiloni.

Jeremiya 39:14

Va di rumela gu ya duswa Jeremiya umo nya likupakupa la dzighadhi va mu ningela ga Gedhaliya, mwamana wa Ayikamo, mwamana wa Safani, gasi a mu dzege a mu yisa nyumbani gwaye nya wufumu. Khu magirelo yoyo, Jeremiya a di simama gu khala vbakari ga vathu vaye.

Jeremiya 39:15

Jeremiya, na ngari pasoni nya likupakupa nya dzighadhi, Pfhumu Nungungulu a di mu rumede magana yaya, khuye:

2 Thimoti 3:11

guvengwa ni gusaniseka nyi nga gu mana Antiyokiya ni Ikoniya, ni Listra. Dzitshanisa muni nyi dzi manego! Aholu, Pfhumu a nyi vbulugiside ga satshavbo soso.