Jeremiya 38:19 - Bhibhiliya Nya Guage

¹⁹ Mufumeli Zedhekiya a di embela Jeremiya, khuye: “Gu ya dzi ningela ga Vakalidhiya nyi ngu thava gu ya tshaniswa khu Vajudha va dzi patanisago ni Vakalidhiya.”

Jeremiya 38:19 Iomraidhean Croise

2 Dzikoronika 30:10

Myango yi di phalalega khu lidhoropa ni lidhoropa, tigoni ga Efrayimi ni ga Manasi kala Zabhuloni; aholu va di va hega ni gu va tsoredzela.

Nehemiya 4:1

Avbo Sambalati, ni Tobhiya, ni Vaarabhi, ni va na Amoni ni va na Asidhodhi, va ngapwago nya gupwani thumo nya guvbahedze libhiyo la Jerusalema wu ngu hongola mbeli, ni gu malufa ma ngu vbela, va di vbisega ngudzu.

Joba 31:34

nyi thedwa hwanga khu ligwaha nya gidzemo, nyi thava gu hembuludwa ni gu tsorodzedwa khu valongo, gukala nyi sega likana nyi si tiyi ni gu duga khu nyumbani.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Jeremiya 38:22

Vanyamayi vatshavbo va na tshalago nyumbani nya wufumu wa Judha, va na dzegwa va ningedwa ga vathangeli va mufumeli wa Bhabhiloni, gasi avo va na ganela, khavo: Dzipari dzile dzago nya dzadi dzi gu kanganyiside, dzi gu pfhadzide. Migondro yago yi pfugunyede maragani; dzipari dzago dzi gu digide.

Jeremiya 38:5

Mufumeli Zedhekiya a di ganela, khuye: “Khu yoyo, womo mandzani gwanu; kholu eni gimwalo gihimbedzo nyi dzi kodzago gu mi girela.”

Jeremiya 39:9

Vathu vatshavbo va nga tshalago dhoropani, gumogo ni vayeyisi va nga bani va dzi ningede gwaye ni mitshaledwa nya vathu, Nebhuzaradhani, muthangeli nya dzighadhi, a di va vbagela a va yisa wugumbitunu Bhabhiloni.

Johane 12:42

Ambari ni vathangeli nya Vajudha va di gu khodwa ga Jesu; aholu, va di gira khu gisihaledza, khu hwanga nya Vafarisi, gasi va si tutumiswi nyumbani nya nombelo.

Valamuli 16:25

Avbo va nga bani va tsakide ngudzu, va di khavo: “Ranani Samisoni a ta hi hegisela. Va diya rana Samisoni pasoni a ta va hegisela, na va mu emiside vbakari nya madingo nya nyumba ya nungungulu wawe.”

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 15:24

Khavbo avbo, Sawule a di embela Samuweli, khuye: “Nyi ghohide kholu nyi nga ndragago nayo wa Pfhumu Nungungulu, ni magana yago; Kholu nyi di thava masotshwa nyi yingisa magana yawe.

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.