Jeremiya 38:18 - Bhibhiliya Nya Guage

¹⁸ Aholu, wa gumba ya dzi ningela ga vathangeli va mufumeli wa Bhabhiloni, lidhoropa leli li na thegela mandzani ga Vakalidhiya, avo va na li vbisa, uwe khu na vbuluga mandzani gwawe.”

Jeremiya 38:18 Iomraidhean Croise

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

Jeremiya 21:10

Kholu Pfhumu Nungungulu a ngu ganela kharati, khuye: Nyi dzi emisede gu veta lidhoropa leli, khu kotani nya sighoho saye nasiri khu wuwadi; li na thega mandzani ga mufumeli wa Bhabhiloni, uye a li vbisa khu nilo.

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 37:8

Vakalidhiya va na wuya vata sasela lidhoropa leli, va li phanga ni gu li vbisa.

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Jeremiya 38:3

Pfhumu Nungungulu a ngu ganela kharati, khuye: Lidhoropa leli khu lisine kamwe li na ningedwa mandzani nya mabutho ya mufumeli wa Bhabhiloni, va li sasela.”

Jeremiya 39:3

Vathangeli vatshavbo nya nyimbi ya mufumeli wa Bhabhiloni, va di bela va ya ema Vbamwanyatunu wa Vbakari, a diri ava: Nerigali-Sarezeri, Sangari-Nebho, Sarisekimi, Rabhi-Sarisi, Nerigali-Sarezeri, Rabhi-Magi ni dzimbe dzindruna dza mufumeli wa Bhabhiloni.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Ezekiyeli 12:13

Nyi na thawuludza ligoga langu vbatshani gwaye, uye a na modwa khu lizinga langu; Eni nyi na mu yisa Bhabhiloni, tigoni nya Vakalidhiya, aholu uye kha na li wona, a naya fela iyoyo.

Ezekiyeli 17:15

Aholu mufumeli a di mu wugela, ni gu rumela myango tigoni ga Egipito, guya lomba dzikavalu ni libutho nya likhongolo nya masotshwa. Ina muthu a girago silo nya nga isoso a na andra mwendro guvbuluga, gani? A gu fanya pwanano a na vbuluga kharato, gani?