Jeremiya 38:17 - Bhibhiliya Nya Guage

¹⁷ Khu guralo, Jeremiya a di embela Zedhekiya, khuye: “Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wa gu ya dzi ningela ga manganagana ya mufumeli wa Bhabhiloni, u na vbanyisa womi wago, ni lidhoropa leli kha li na vbiswa, u na vbanya uwe gumogo ni ngamo yago.

Jeremiya 38:17 Iomraidhean Croise

Genesi 12:13

Khu guralo, nyi ngu gu lomba gukheni u ganela gukhuwe u ndriyangu, gasi nyi fela gu pharwa gwadi khu kotani yago.”

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 25:27

Hwane nya esi, khu mwaga nya magumararu na livbandre na mivili nya gu khothedwe ga Jowakimi, mufumeli wa Judha, khu ngima nya likhumi na mivili, khu litshigu nya magumavili na livbandre na mavili, Evhili-Merodhaki, mufumeli wa Bhabhiloni, khu mwaga a nga phela khuwo gufuma; a di tshula Jowakimi a mu dusa khu pasoni.

1 Dzikoronika 17:24

Si tiyise, lina lago li na khusedzwe kala gupindruga, gu na ganedwa gupwani Pfhumu Nungungulu nya Tshivba Yatshavbo, khu Nungungulu wa na Israyeli, uye Nungungulu wa Israyeli; yi na tiyiswe ndranga ya Dhavhidhe, githumi gyago.

Ezira 9:4

Va dita dzi pata gwangu va tombana vatshavbo vale va nga bani va gu ndrendremela khu gu thava magana ya Nungungulu wa Israyeli khu kotani nya gughoha gu nga girwago khavo va widego khu wugumbitunu; khu guralo eni nyi di simama gu khala na nyi swihade, kala gikhati nya phaso wa vbasilambotunu.

Joba 23:13

A gu pimisa gu gira gilo, khu mani a dzi kodzago gu mu ganedza? Uye iso a si golago, a gu gira.

Dzindzimo 80:14

Uwe Nungungulu nya Tshivba Yatshavbo, hi ngu gu lomba wuya nyaluphye, khedzisa khu ndzadzini, u wona, u vhikela uvha yoyu;

Dzindzimo 80:7

Uwe Nungungulu nya Tshivba Yatshavbo hi wusedze; ngangamedzisa khovbe yago, hi na vbanya.

Jeremiya 27:12

Mahungu yaya ma gu fanana nayo nya guhegule nyi ganedego ni Zedhekiya, mufumeli wa Judha, nyi nga mu embela, kheni: “Dzumelani gu hungwa kanga khu mufumeli wa Bhabhiloni, mu mu thumelani uye gumogo ni vathu vaye, gasi mu kodze guvbanya.

Jeremiya 27:17

“Mu nga va yingisi, thumelani mufumeli wa Bhabhiloni mu na vbanya; khu ginani mu vbwetago gukhenu lidhoropa leli li khala marumbi?”

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Jeremiya 39:3

Vathangeli vatshavbo nya nyimbi ya mufumeli wa Bhabhiloni, va di bela va ya ema Vbamwanyatunu wa Vbakari, a diri ava: Nerigali-Sarezeri, Sangari-Nebho, Sarisekimi, Rabhi-Sarisi, Nerigali-Sarezeri, Rabhi-Magi ni dzimbe dzindruna dza mufumeli wa Bhabhiloni.

Jeremiya 40:9

Gedhaliya mwamana wa Ayikamo, mwamana wa Safani, a di sambanya mbeli gwawe gumogo ni ga vathu vawe, a ganela, khuye: “Mu nga thavi gu thumela Vakalidhiya, khalani tigoni momu mu dzi vega vbavbatshi ga mufumeli wa Bhabhiloni, mu na khadzisega gwadi.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Ezekiyeli 8:4

Vbale, wu diromo wudhumo wa Nungungulu wa Israyeli, kha nga uwo nyi wu wonisidwego panini.

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.