Jeremiya 38:11 - Bhibhiliya Nya Guage

¹¹ Khavbo avbo, Ebhedhi-Meleki a di dzega vama a nga bani a gu va ruma a hongola navo ga muhubhe wu manegago khu vbavbatshi nya nyumba nya guvegedzedwe dzithomba nya wufumu, a dzega sitsangala nya dzitshalu a luga ngodzi a si reledza ga Jeremiya namboni.

Jeremiya 38:11 Iomraidhean Croise

Jeremiya 38:10

Khavbo avbo, mufumeli a di leletela Muetiyopi Ebhedhi-Meleki, khuye: “Dzega vama vararu uya navo muya dusa Jeremiya khu namboni, na si gufi khu ndzala.”

Jeremiya 38:12

Muetiyopi Ebhedhi-Meleki, a di embela Jeremiya, khuye: “Dzongedzela sipandre sesi nya myendra vbadzingodzitunu u vbagarisa magatani gwago gasi u si hendrwi khu dzingodzi.” Jeremiya a di gira kharato.

Jeremiya 38:6

Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Jeremiya 38:7

Aholu Ebhedhi-Meleki, thenwa nya Muetiyopi, khu gikhati gyogyo a nga bani a gu thumela nyumbani ga mufumeli, a dipwa gupwani Jeremiya va mu rinyide namboni. Aholu mufumeli a di khade nyangwani ga Bhejami.

Josuwa 6:19

Khu guralo, parata, ndralama ni sombo satshavbo nya sugu ni simbi si na agisedwa Pfhumu Nungungulu, si na khala thomba yaye.”