Jeremiya 37:7 - Bhibhiliya Nya Guage

⁷ Pfhumu Nungungulu wa Israyeli, a ngu ganela kharati, khuye: Embela mufumeli wa Judha gumogo ni vathu a va rumedego guta nyi wudzisa, khuwe: Masotshwa ya Faro ma nga bani ma guta, guta mi phasedzelani, ma na bwelela tigoni gwawe ga Egipito.

Jeremiya 37:7 Iomraidhean Croise

2 Dzipfhumu 22:18

Aholu mufumeli wa Judha, a mi rumedego guta wudzisa Pfhumu Nungungulu, mu embeleni esi, khenu: Pfhumu Nungungulu wa Israyeli, a ngu ganela mayelano ni magana mu ma pwidego, khuye:

2 Dzipfhumu 24:7

Mufumeli wa Egipito, gima kha nga duga gambe ni masotshwa khu tigoni gwaye, kholu mufumeli wa Bhabhiloni, a di dzega satshavbo iso si nga bani si gu lumba mufumeli wa Egipito, gukhugela tsongo wa Egipito, kala tsongoni wa Ewufrate.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 30:7

Kholu Egipito, giphaso gyaye khya mahala, khidzo kharato nyi ranago Egipito kheni, Libhemba li si phasigo gilo.

Isaya 36:6

Wa gu tumba Egipito, a gu tshava yi fanyeledzedwego, yi payago gyandza gya oyu a yi khighelago! Kharato nuye Faro, mufumeli wa Egipito, ga vatshavbo vale va mu tumbago.

Jeremiya 2:18

Gasi olu, ga gu phasa ginani gu tutuma u bwelela Egipito, u ya sela mati nya tsongo wa Nilo? Gwa gu phasa ginani gu tutuma u hongola Asiriya, gasi u ya sela mati nya tsongo wa Ewufrate?

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 2:37

U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 21:1

Magana ya Pfhumu Nungungulu, ma di rumedwa ga Jeremiya, gikhati mufumeli Zedhekiya, a nga rumela Pasuri, mwamana wa Malikiya, ni muphasi nya mhamba Sofoniya, mwamana wa Mahaseya, a va embela, khuye:

Jeremiya 21:2

“Hi ngu lomba gukhethu u hi wudzisela ga Pfhumu Nungungulu, kholu Nabhukodhonosori, mufumeli wa Bhabhiloni, a ngu soma nyimbi a hi sasela, mwendro saye Pfhumu Nungungulu a na hi girela siliwugiso gasi nala a khuge vbakari gwathu.”

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 37:5

Vakalidhiya va nga bani va phangide Jerusalema va gu randrela, avbo va ngapwago nya gupwani mabutho ya Faro ma khugide khu Egipito gasi guta sasela Jerusalema, va di phalalega.

Jeremiya 37:6

Khavbo avbo, Pfhumu Nungungulu a di resa magana yaya ga muprofeti Jeremiya, khuye:

Gililo 1:7

Olu, ga matshigu yaya nya wuvi ni gutshaniseka, Jerusalema a ngu alakanya silo saye nya gu si gole ngudzu, si nga bani si mu lumba ga matshigu ma vbindridego; avbo vathu vaye va nga thegela mandzani ga nala wawe, mwalo ni moyo a nga tago a ta mu phasa, valala va di mu hega ni gu mu tsorodzela khu guthega gwaye. Heti

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Ezekiyeli 17:17

Ambari Faro, gumogo ni libutho laye nya likhongolo nya masotshwa nya tshivba, uye gima kha na nga kodza gu mu phasedzela umo nya nyimbi, avbo va na guvbaha mabhiyo ni makhokhola, gasi gu songetela vathu nya vangi.

Ezekiyeli 29:16

“Egipito gima kha na tumbega gambe ga litigo la Israyeli, aholu gu na gira gialakanyiso nya guvivbe a giridego gikhati va lombidwego giphaso. Khavbo va na dzitigo gukhavo kheni Mune Pfhumu Nungungulu.”

Ezekiyeli 30:22

Khu guralo, Mune Pfhumu Nungungulu, a ngu ganela kharati, khuye: Wonani nya gukhenu nyi ngu wugela Faro, mufumeli wa Egipito; nyi na mu fanya mawogo yaye ya mavili eli li gu ni tshivba, ambari lile li fanyegidego, nyi na thesa litshari li guromo mandzani gwaye.